“К 100-летию полного кавалера ордена Боевой Славы трех степеней Д.А.Петров” диэн бэйэтигэр анал суруктаах “Тигр” саалары буойун биир дойдулааҕа, “Охотный двор” маҕаһыын хаһаайына Юрий Николаевич Большаков “Калашников” концернҥа сакаастаан оҥортордо.

30 устуука саа атыыга таҕыста. Сыаналара 114 тыһыынча солк.  Ыттахха, тииҥ хараҕар табатык түһэриэххэ сөп. Оннук кыраҕытык кыҥыыр кыамталаах. Балаҕан ыйын саҕаланыыта эмиэ маннык үбүлүөйнэй суруктаах “Легенда” саалар кэлэллэр үһү.

Төһө да булт кэмэ ыксаллаах быһыы-майгы балаһыанньатынан тохтотуллубутун иһин, эһиил да бултуур-алтыыр кэмнэр үүнүөхтэрэ, онон ытык киһибит чиэһигэр анаан оҥоһуллубут саалары эр хоһууннарбыт сэҥээрэн ылыахтара диэн эрэнэбит.