Баһаары умулларыыга 1957 киһи үлэлиир, 192 техника туһаныллар. Ньурба улууһугар турбут баһаары умуллара Бе-200 ЫДьМ сөмөлүөтэ көппүт. Билигин Авиалесохрана үлэһиттэрэ Уус Майаҕа, Сунтаарга, Хаҥаласка, Ньурбаҕа, Кэбээйигэ уонна Үөһээ Бүлүүгэ умайар уоту кытта охсуһа сылдьаллар. Экология министиэристибэтигэр иһитиннэрбиттэринэн, билиҥҥитэ нэһилиэнньэлээх пууҥҥа куттал суоһаабат.
Бэҕэһээ, биир суукка устата 38 баһаар турбут. Саха сирин үгүс улуустарыгар, ол иһигэр Аартыка түөлбэтин улуустарыгар кураанах, куйаас күннэр-дьыллар тураннар, баһаар тарҕанар. Санатар буоллахха, бэс ыйын 23 күнүгэр Ил Дархан өрөспүүбүлүкэ бары сиригэр ыксаллаах быһыы эрэсиимин биллэрбитэ.
- 0
- 0
- 0
- 0
- 0
- 0