Алдан, Булуҥ, Мэҥэ Хаҥалас, Мииринэй, Нерюнгри, Сунтаар, Уус Алдан, Усуйаана, Чурапчы улуустарыгар быһыыны туруоруу орто көрдөрүүтүттэн аҕыйах көрдөрүү бэлиэтэммит. Былаан 50% Амма, үөһээ Бүлүү, Нам уонна Таатта улуустарыгар туола иликтэр. Ол иһин коронавирус ыарыытын утары охсуһар суһал ыстаап бу улуустартан атырдьах ыйын 15 күнүгэр диэри тэрилтэ үлэһиттэрин 70% быһыыны ылалларын, оттон сорох салаа үлэһиттэрэ булгуччу быһыыны ылыахтаахтарын ирдээбиттэр.
От ыйын 21 күнүттэн коронавирус дьаҥынан күнүн аайы 100 тахса киһи ыалдьар. Ыарыы тарҕанар коэффициена 1,16 диэри улааппыт.
Билиҥҥи туругунан Дьокуускайга уонна өрөспүүбүлүкэ 12 улууһугар реанимацияҕа 70 киһи сытар, ол онтон 14 киһитэ ыарахан туруктаахтар уонна ИВЛ аппаратыгар холбоммуттар.
Ааспыт нэдиэлэҕэ киин куоракка дьаҥ тарҕаныыта 8%, улуустарга 10 % үрдээбит.
- 0
- 0
- 0
- 0
- 0
- 0