Ол курдук, саамай элбэх от Кэбээйи нэhилиэгэр оттоммут - 1000 туонна. Мукучуга - 537, Тыайаҕа - 245, Куокуйга - 102, Чагдаҕа - 51, 1-кы Лүүчүҥҥэ - 67, Мастаахха - 71, Арыктаахха - 64, Сииттэҕэ - 10, Кировскай нэhилиэккэ – 7 туонна от оттоммут.

Быйылгы кыстыкка улуус үрдүнэн уопсайа 16 870 туонна от оттонуохтаах, ол иhигэр 670 туонна саппаас от бэлэмнэниэхтээх.

«Резервэҕэ от бэлэмнээhиҥҥэ 10 мобильнай биригээдэ тэрилиннэ. Саамай халыҥ биригээдэ чуолаан Сииттэ нэhилиэгэр баар. Былаан быhыытынан, 670 туонна оттонуохтаах, ол эрээри Илин эҥэр улуустарга курааннаан, эбиитин аhыҥа ыhан, былаан улаатыах курдук. Билигин сайаапка уонна дуогабар баттаhыытын кэтэhэбит. Мобильнай биригээдэлэр дуогабар уонна төлөбүр аҥарын ыллахтарына, оттуурга бэлэмнэр”, - диэн Кэбээйи улууһун тыа хаһаайыстыбатын управленията иһитиннэрэр.