Үөрэх кыһатын дириэктэрэ Елена Антипина ТАСС кэпсээбитинэн, «Турваургин и Ко» хампаанньаны регистрациялаабыттар уонна РФ аартыкатын түөлбэтин резиденин статуһун ылар былааннаахтар. Тэрилтэ таба этиттэн пельмень, кэтилиэт, эриллибит эт, балыктан араас бородууксуйа, сугунтан, морошкаттан, отонтон барыанньа оҥоруоҕа. Сырьену олохтоох нэһилиэнньэттэн атыылаһар былааннаахтар.

«Турваургин» родовой община уонна үөрэх кыһата кыттыһан тэрийбит хампаанньатыгар оройуон дьаһалтата сир анаабыт. Онно сыах уонна бородууксуйаны харайар дьиэ тутуллуохтаах. Эттэн, балыктан ас-үөл оҥорон таһаарар аныгылыы оборудование ылар былааннаахтар. Уҥуохтары мэлийэн бурдук оҥоруохтара. “Уҥуохтан бурдугу ыттар, сибиинньэлэр, кроликтар сөбүлээн сииллэр”, -- диэн эппит Елена Антипина.

«Турваургин» төрүт община 15 тыһ. табалаах. Ол курдук, олохтоох бородууксуйаны оҥорон таһаарар хампаанньа тэриллэрэ бары өттүнэн барыстаах – үлэ миэстэтэ тахсыаҕа уонна устудуьуоннар миэстэтигэр быраактыка ааһыахтара.