Издательский дом Редакция Подписка
Погода в Якутске: . 26 oC
КУРС ЦБ: $ 72,86 | 88,65

Быйылгыттан тыа хаһаайыстыбатын үлэтин судаарыстыба өйүүр сорох боломуочуйалара  улуустар (муниципальнай оройуоннар) уонна куораттардааҕы уокуруктар толорууларыгар бэриллибитин итиэннэ ону олоххо киллэрэргэ анаан муниципальнай бүддьүөттэргэ өрөспүүбүлүкэ бүддьүөтүттэн субвенция үбүн биэрии уонна ороскуоттааһын бэрээдэгин СӨ бырабыыталыстыбата 2020 сыл ахсынньы 30 күнүгэр 445-с №-дээх уурааҕынан бигэргэппитин туһунан элбэхтик сырдатылынна. Билигин ити докумуоҥҥа олоҕуран, Тыа хаһаайыстыбатын министиэристибэтэ боломуочуйалары туттарарга улуустары кытта Сөбүлэһиигэ илии баттаһар.

Быйылгыттан тыа хаһаайыстыбатын үлэтин судаарыстыба өйүүр сорох боломуочуйалара  улуустар (муниципальнай оройуоннар) уонна куораттардааҕы уокуруктар толорууларыгар бэриллибитин итиэннэ ону олоххо киллэрэргэ анаан муниципальнай бүддьүөттэргэ өрөспүүбүлүкэ бүддьүөтүттэн субвенция үбүн биэрии уонна ороскуоттааһын бэрээдэгин СӨ бырабыыталыстыбата 2020 сыл ахсынньы 30 күнүгэр 445-с №-дээх уурааҕынан бигэргэппитин туһунан элбэхтик сырдатылынна. Билигин ити докумуоҥҥа олоҕуран, Тыа хаһаайыстыбатын министиэристибэтэ боломуочуйалары туттарарга улуустары кытта Сөбүлэһиигэ илии баттаһар.

Тыа хаһаайыстыбатын миниистирин солбуйааччы Василий Афанасьев иһитиннэрбитинэн, тохсунньу 27 күнүнээҕи туругунан, барыта 10 улууһу уонна Дьокуускай куораты кытта Сөбүлэһии түһэрсилиннэ. Сөбүлэһии түһэрсибит эрэ улууска субвенция үбэ тиксэриллэр. Онон, Василий Владимирович көмө үп бастакынан Абый, Аллараа Халыма, Булуҥ, Муома, Уус Майа, Куорунай, Таатта, Бүлүү, Өлүөхүмэ, Кэбээйи улуустарыгар ыытылларын эттэ.

Быйыл субвенция үбэ боломуочуйа бэриллибит биэс хайысханан ыытыллар:  хотугу дьиэ табатын иитиигэ; үүтү тутууга; ынах төбөтүгэр;  сиртэн үүнүүнү ылыыга, сылгыны үөрдээн иитиигэ, түргэнник ситэр салааҕа; улуустардааҕы тыа хаһаайыстыбатын салалталарын тутан үлэлэтэргэ. Сорох улуустар сорудах быһыытынан тиэрдиллэр кээмэйдэрин кытта сөбүлэспэккэ, илии баттаһа иликтэр. Холобур, бэҕэһээ “Ил Түмэн” издательскай дьиэ тэрийэн ыыппыт “төгүрүк остуолугар” Амма улууһун баһылыга Николай Архипов Тыа хаһаайыстыбатын министиэристибэтэ сир үлэтигэр ааспыт сыллааҕар улахан былааны тиэрдибитин, оттон үбүлээһин кээмэйэ уруккунан хаалбытын эппитэ. Үгүстэр мантан иҥнибиттэр.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ