Бу кыстыыр 84 %-а буолар. Ити иһигэр Амма өрүс кытылыгар сытар Соловьев уонна Болугур нэһилиэктэрэ итиэннэ элбэх үрэхтэрдээх Кытаанах нэһилиэгэ былааннарын 100 % толорбуттара. Курааннаабыт нэһилиэктэр мобильнай биригэдээлэри тэринэн, ыраах учаастактарынан көһөннөр, сорохтор Өлүөнэ өрүс арыытыгар киирэн, сорохтор Уус Маайа улууһун Нуотаратыгар тиийэн, икки нэһилиэк биригээдэлэрэ Амур уобалаһыгар баран оттообуттара. Ити курдук улуус үрдүнэн 40 мобильнай биригээдэ тэриллэн, барыта холбоон 8 тыһыынча 100 туоннаны оттооннор, түһэриллибит сорудахтарын толорбуттара.

Билигин өрөспүүбүлүкэ таһыттан, бэйэ биригээдэлэрэ оттообут отторун уонна атыылаһыллыбыт оту, тиэйэр-таһар үлэ ыытылла сылдьар. Күн бүгүҥҥү туругунан 763 туонна кэлэн, тустаахтарга тиэрдилиннэ, өссө 500 туонна от кэлэн иһэр. Барыта 14,6 тыһыынча туонна от тиэйиллэн кэлиэхтээх. Оту таһынан комбикорм, сылгы бурдуга уонна туус таһыллар. Улуус быйыл 20 тыһыынча ынах сүөһүнү уонна 16 тыһыынча сылгыны кыстатар былааннаах диэн улуус дьаһалтатын пресс-сулууспата иһитиннэрэр.