Издательский дом Редакция Подписка
Погода в Якутске: . -12 oC
КУРС ЦБ: $ 73,96 | 86,68

 Саха АССР үтүөлээх артыыһа, биллэр театральнай диэйэтэл, тыыл уонна үлэ бэтэрээнэ, Тумул нэһилиэгин, Хаҥалас улууһун Бочуоттаах гражданина Степан Иннокентьевич Емельянов  86 сааһыгар сылдьан, бу олохтон быдан дьылларга туораата. 

 Саха АССР үтүөлээх артыыһа, биллэр театральнай диэйэтэл, тыыл уонна үлэ бэтэрээнэ, Тумул нэһилиэгин, Хаҥалас улууһун Бочуоттаах гражданина Степан Иннокентьевич Емельянов  86 сааһыгар сылдьан, бу олохтон быдан дьылларга туораата. 

Степан Иннокентьевич Арҕаа Хаҥалас оройуонун ​ IV Малдьаҕар нэһилиэгин Хайарҕаһыгар 1935 с. төрөөбүтэ. Орто Кытыл начаалынай, Тиит Арыы сэттэ кылаастаах оскуолаларыгар үөрэммитэ. Эдэр сааһыгар өрөспүүбүлүкэ оройуоннарыгар арааһынай үлэҕэ сылдьыбыта. 1961–1966 сс. Щепкин аатынан үрдүкү театральнай училищеҕа үөрэммитэ.

1966–1973 сс. – Ньурбатааҕы көһө сылдьар театр артыыһа.

1974 сылтан П.Ойуунускай аатынан Саха драматическай театрын артыыһа.

1983–1998 сс. П.Ойуунускай аатынан Саха драматическай театрын  дириэктэринэн үлэлиир.

1990–1996 сс. СГД (ВТО) Дьокуускайдааҕы отделениетын бэрэссэдээтэлэ.

Сыанаҕа араас оруоллары толорбута: кинээс Бииктэр – «Күкүр Уус» (С.Омоллоон), Яков Лукич – «Поднятая целина» (М.Шолохов), Василий Павлович – «Хапсыһыы» (Е.Неймохов), Банко – «Макбет» (У.Шекспир) уо.д.а. 

Режиссер быһыытынан П.Ойуунускай «Кыһыл Ойуун», А.С.Пушкин «Маленькие трагедии» айымньыларыгар испиктээкиллэри туруорбута. Устудьуоннуу сылдьан «Дорога к морю» киинэҕэ эпизодическай оруолу, А.Тарковскай «Андрей Рублев» киинэтигэр монгуол буойунун оонньообута.

1982 с. «Срочно...Секретно... Губчека» сэбиэскэй вестерн-киинэҕэ комиссар Аксенов оруолугар уһуллар.

«Семен Дежнев» киинэҕэ сирдьит-проводник, французскай режиссер Бартабас «Шаман», «Залив счастья» киинэтигэр эпизодическай оруоллары толорор.

Төрөөбүт нэһилиэгэ бочуоттаан, кини аатынан оройуон оскуолаларын икки ардыларыгар дыраама туруорууга ​ күрэх биллэрэн көҕүлээбитэ.​
Кэргэнэ Таисия Ивановна Өлүөхүмэттэн төрүттээх, нуучча тылын уонна литературатын учууталынан өр сылларга үлэлээбитэ. Икки оҕолоохтор, сиэннэрдээхтэр.
Наҕараадалара:  «За доблестный труд. В ознаменование 100-летия со дня рождения В.И.Ленина» мэтээл, Кыайыы үбүлүөйдээх мэтээллэрэ, Бочуоттаах грамоталар. 

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ