Издательский дом Редакция Подписка
Погода в Якутске: . 15 oC
КУРС ЦБ: $ 72,86 | 88,65

Бу күннэргэ  ВКС эрэсииминэн  «СӨ физическэй култуура уонна  успуорт эйгэтэ  каадырынан уонна науканан хааччыллыы» диэн боппуруоска «төгүрүк остуол»  ыытылынна.  Тэрээһини  Ил Түмэн  ыччакка, физическэй култуураҕа уонна успуорка дьыалаларыгар сис кэмитиэтин  бэрэссэдээтэлэ Михаил Гуляев иилээн-саҕалаан ыытта.

Бу күннэргэ  ВКС эрэсииминэн  «СӨ физическэй култуура уонна  успуорт эйгэтэ  каадырынан уонна науканан хааччыллыы» диэн боппуруоска «төгүрүк остуол»  ыытылынна.  Тэрээһини  Ил Түмэн  ыччакка, физическэй култуураҕа уонна успуорка дьыалаларыгар сис кэмитиэтин  бэрэссэдээтэлэ Михаил Гуляев иилээн-саҕалаан ыытта.

Мунньахха  норуот дьокутааттара, бырабыыталыстыба уонна тустаах биэдэмистибэлэр чилиэннэрэ, муниципальнай тэриллиилэр бэрэстэбиитэллэрэ кытыннылар. Сүрүн дакылааты СӨ физическэй  култуураҕа уонна успуорка миниистирэ  Иннокентий Григорьев оҥордо. Кини бүгүҥҥү күҥҥэ  каадыры бэлэмнээһин сүрүн сыалынан-соругунан буоларын иһитиннэрдэ.  2021 сыл тохсунньу 1 күнүнээҕи туругунан  өрөспүүбүлүкэҕэ  физическэй култуура уонна  успуорт эйгэтигэр  4360 киһи үлэлиириттэн  3187-тэ анал, 881-рэ орто үөрэхтээхтэр эбит. Учуонай истиэпэннээҕэ 37 киһи. Билиҥҥи туругунан  өрөспүүбүлүкэ үрдүнэн  64 успуорт федерацията таһаарыылаахтык үлэлиир.

Миниистир быһаарбытынан каадыры бэлэмнээһиҥҥэ  инфраструктура барыта оҥоһуллубут. «Бүгүҥҥү күҥҥэ икки федеральнай  статустаах   институттаахпыт (ХИФУ иһинэн   физическэй култуураҕа, успуорка уонна Чурапчытааҕы  судаарыстыбаннай  физическэй култуураҕа уонна успуорка институттара)  уонна  түөрт орто анал үөрэх кыһалардаахпыт», -- диэн Иннокентий  Юрьевич иһитиннэрдэ. 2020 сылга  ити үөрэх кыһаларын 264 киһи  үөрэнэн бүтэрбит, бу 2019 сыллааҕыттан 149-нан дьоҕус. Тэрээһин кыттыылаахтара миниистиргэ интэриэһиргиир ыйытыыларын биэрдилэр. Мунньах кыттааччылара өрөспүүбүлүкэҕэ успуорду сайыннарыы нэһилиэнньэҕэ физическэй култуураны үөрэтиини кытта ыкса сибээстээҕин туһунан эттилэр. Онон манна сөптөөх болҕомто ууруллуохтааҕын ыйдылар.

«Билиҥҥи туругунан  өрөспүүбүлүкэҕэ  наука хандьытааттарын, дуоктардарын өйүүр  хосбырагыраама суох. Бу боппуруоһу үчүгэйдик ылсан үөрэтиэхпитин наада. Успуорт салаатыгар  каадыры иитэн таһаарыыга кэккэ боппуруостар бааллар. Олору систиэмэлээхтик көрөн туоратыахпытын наада. Олунньу 10 күнүгэр диэри  мунньахха кыттыбыттартан чуолкай этиилэргитин күүтэбит», -- диэн Михаил Гуляев мунньаҕы түмүктүүр тылыгар эттэ.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ