Бу үлэҕэ ирдэнэр үп кээмэйэ 857,9 мөл. солк. тэҥнэһэр. Бырамыысаланас уонна геология министиэристибэтэ уонна “Сахатранснефтегаз” АУо икки ардыгар түһэриллибит хантыраагынан бу сыл 4 кыбаарталыгар хочуолунайдар оһохторун гааһынан оттукка толору көһөрүллүөхтэрэ. 13,2 км гаас ситимигэр 9 хочуолунай холбонуоҕа. Оччотугар Киин балыыһа, оскуола, 38 кыбаартал, оҕо сада, баанньык, аэропорт уонна да атын эбийиэктэр гааһынан сылытыллар буолуохтара.

Санатар буоллахха, 2017 сыллаахха Бырамыыссыланнас уонна геология министиэристибэтин сорудаҕынан Аһыма-Бэрдьигэстээх гаас ситимин тутуута саҕаламмыта. 2024 сылга Бэрдьигэстээх 861 дьиэтэ киин ититиллэр тиһигиттэн гаас оттугар көһөрүллүөхтэрэ. Министиэристибэ пресс-сулууспата иһитиннэрбитинэн, төһө да өрөспүүбүлүкэҕэ уустук эпидемиологическай балаһыанньа сатыылаатар, үлэһиттэр ыарыыттан сэрэхтээх буолар ирдэбили тутуһан туран, тутуу үлэтин ыыталлар. Билиҥҥи туругунан Бэрдьигэстээххэ 14,1 км усталаах гаас ситимин тутуутун 1 уонна 2 түһүмэҕин тутан бүтэрбиттэр.