Издательский дом Редакция Подписка
Погода в Якутске: . 11 oC
КУРС ЦБ: $ 72,86 | 88,65

Кулун тутар 5 күнүттэн Өлөөкө Күөл бөһүөлэгэр урут көстүбэтэх араас массыыналар, суон бэрэбинэлэри тиэммит улахан камазтар, тутааччы анал таҥастаах дьон уулуссаларга көстөн киирэн барбыттара.

Кулун тутар 5 күнүттэн Өлөөкө Күөл бөһүөлэгэр урут көстүбэтэх араас массыыналар, суон бэрэбинэлэри тиэммит улахан камазтар, тутааччы анал таҥастаах дьон уулуссаларга көстөн киирэн барбыттара.

 Бу «Энергострой-ДВ» тэрилтэ үлэһиттэрэ бөһүөлэк уот остуолбаларын уларыта, саҥарда кэлбиттэр. Бэлиэтээн этэр эбит буоллахха, бу тэрилтэ салайааччыта биһиги биир дойдулаахпыт, Өлөөкө Күөл оскуолатын выпускнига Винокуров Евгений Антонович буолар. Үлэһиттэр 11 киһи буолан 4 араас техникалаах уустук үлэлэрин бэрт тэтимнээхтик саҕалаабыттара. Тоҕо диэтэххэ, ити техникалар бары кыһыҥҥы суол сабылла илигинэ төттөрү Дьокуускайга төннүөхтээхтэр.

Кэлбит үлэ биригээдэтэ олохтоох дьону көмөлөһүннэрэн, бэрэбинэлэри суорууттан үлэтин саҕалаабыта. Ону сэргэ буур массыына остуолба оҥхойдорун үүттээбитэ. Онон бөһүөлэк сарсыарда халлаан сырдыаҕыттан хараҥарыар диэри «үлэ муусукатынан» тигинии түспүтэ. Түбүктээх үлэ үмүрүйэн, билигин 178 остуолба туруоруллан, бөһүөлэк аҥаара саҥа уот ситимигэр холбонно. Массыыналар төнүннүлэр. Хаалбыт 5 үлэһит дьиэлэргэ уот ситимин тардаллар.

Уот тардааччыларга бэйэбит биир дойдулаахтарбыт Винокуров Василий уонна Винокуров Альберт бааллар. Кинилэр бу тэрилтэҕэ үлэлээбиттэрэ хас да сыл буолбут. Уолаттар төрөөбүт дойдуларыгар өр буолан баран кэлбиттэрин туһунан кэпсииллэр. Суох кэмнэригэр бөһүөлэк улааппытын, кэҥээбитин бэлиэтииллэр. Үлэлиир кэмнэригэр кубулҕаттаах кулун тутар хас да күннээх, күүстээх тыала, тибиитэ сүрүн мэһэй буолан, үлэни атахтаата. Ону аахсыбакка, уолаттарбыт үлэлэрин улахан аҥаарын бүтэрэн, саҥа уот ситимигэр холбонорбут кылгас кэм хаалла.

Оччоҕо уулуссалар кырыыларынан, харах ыларын тухары,  кылбайбыт остуолбалар кэчигирээн туруохтара. Ооҕуй оҕус ситимин курдук барчаламмыт проводтар аны санньылыспат буолуохтара.

Винокурова Нарыйаана,  Х кылаас

14 №-дээх «Эдэр корреспондент» пост юнкора,

Орто Халыма, Өлөөкө Күөл 

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ