Норуот муудараһа - өс хоһоонугар
Издательский дом Редакция Подписка
Погода в Якутске: . 12 oC

Сүрүн сонуннар

Бүгүҥҥү сонуннар

Бэлиитикэ

Биэнсийэ, хамнас уонна тииһинэн олоруу алын кээмэйэ улаатар

Бэс ыйын 1 күнүттэн үлэлээбэт биэнсийэлээхтэр биэнсийэлэрэ 10 %-ынан үрдүөҕэ, ону таһынан хамнас алын кээмэйэ уонна тииһинэн олоруу алын кээмэйэ 10 %-ынан улаатыаҕа. Итинник дьаһалы Судаарыстыбаннай Сэбиэт президиумун мунньаҕар Бэрэсидьиэн Владимир Путин…
26.05.22 09:08

Экэниэмикэ

Дьоруой сулуһугар тиэрдибит суол

Сунтаар улууһун «Кириэстээх» кэпэрэтиибин чулуу ыанньыксыта, үс истиэпэннээх «Үлэ Албан аата» уордьан толору кавалера, Саха сирин хомсомуолун бириэмийэтин лауреата, «Бочуот» уонна «Хотугу сулус» уордьаннардаах Владимир Африканович Михайловка Саха…
26.05.22 14:29

Уопсастыба

Култуура

Саха театрын сыанатыгар кэскиллээх бырайыак сүрэхтэннэ!

Ыам ыйын 24 күнүгэр Саха театрыгар дьоhун тэрээhин ыытылынна. Ол курдук Дьокуускайдааҕы педагогическай колледж устудьуоннарын кытта Саха театрын артыыстара биир санааҕа түмсэн, эрдэттэн бэлэмнэнэн, айымньылаахтык үлэлээн-хамнаан «Семинария паартатыттан…
25.05.22 23:10

Түһүлгэ

 Мүрүйээдэ: үтүмэн үйэлэр быыстарын сэгэтэн

Мүрү Эбэ аата аан бастаан сурукка-бичиккэ киирбитэ 355, Бороҕон улууһугар оҕону үөрэхтээһин саҕаламмыта 250, Саха АССР тэриллибитэ 100 сылларынан, итиэннэ Мүрүгэ Саха Сирин норуоттарын VIII спортивнай оонньууларын көрсө, "Мүрүйээдэ (үтүмэн үйэлэр быыстарын…
07.04.22 22:37

Тыа сирэ

Хаптаҕайтан хааннаахпын хаһан да умнубаппын...

Өлүөнэ эбэбит уҥа биэрэгэр, Мыла, Тамма үрэхтэр икки ардыларыгар тайаан сытар, үс Геройу үөскэппит өлгөм буордаах, үтүө-мааны үлэһит дьонноох, төрөөбүт-үөскээбит Хаптаҕайбыт төрүттэммитэ 200 сылыгар, Социалистическай Үлэ Геройа Гаврил Семенович Самсонов…
10.04.22 16:09

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

75 саастаах Өйдөбүнньүк

1941-1945 сс. Аҕа дойдуну көмүскүүр Улуу сэриигэ оҕолорун мэлиппит ийэлэр, кэргэттэрин сүтэрбит огдооболор, аҕаларын былдьаппыт тулаайахтар манна кэлэн сүгүрүйэллэрэ, өлбүттэр куттара манна баарын курдук саныыллара...
26.05.22 14:08

Бүгүн – Төрөөбүт тыл аан дойдутааҕыкүнэ. Бу күн 1999 сылтан ЮНЕСКО генеральнай кэмпириэнсийэтин көҕүлээһининэн баччааҥҥа диэри бэлиэтэнэн кэллэ.  Аан дойду үрдүнэн  6 тыһ. кэриҥэ  омук тыла баара биллэр. Хас биирдии омук тыла уратылаах, хас биирдии нация  менталитетын, үтүө үгэстэрин көрдөрөр, кэрэһилиир.   Санатар буоллахха, «Ил Түмэн» хаһыат  Саха сиригэр төрөөбүт тыл, сурук-бичик күнүттэн саҕалаан норуот дьокутааттарыттан  олохторугар-дьаһахтарыгар өс хоһооннорун хайдах-туох туһаммыттарын туһунан ыйаталаһан таһааран саҕалаабыта. Ону бүгүн ситэрэн-хоторон биэрэбит.

Бүгүн – Төрөөбүт тыл аан дойдутааҕыкүнэ. Бу күн 1999 сылтан ЮНЕСКО генеральнай кэмпириэнсийэтин көҕүлээһининэн баччааҥҥа диэри бэлиэтэнэн кэллэ.  Аан дойду үрдүнэн  6 тыһ. кэриҥэ  омук тыла баара биллэр. Хас биирдии омук тыла уратылаах, хас биирдии нация  менталитетын, үтүө үгэстэрин көрдөрөр, кэрэһилиир.   Санатар буоллахха, «Ил Түмэн» хаһыат  Саха сиригэр төрөөбүт тыл, сурук-бичик күнүттэн саҕалаан норуот дьокутааттарыттан  олохторугар-дьаһахтарыгар өс хоһооннорун хайдах-туох туһаммыттарын туһунан ыйаталаһан таһааран саҕалаабыта. Ону бүгүн ситэрэн-хоторон биэрэбит.

 

 

«Кырдьаҕастан сүбэтин, эдэртэн эйэтин ыл»

 маны ес хоьооно чичигинаров муударас фото

Владимир Чичигинаров, Ил Түмэн доруобуйа харыстабылыгар, социальнай көмүскэлгэ, үлэҕэ уонна дьарыктаах буолууга сис кэмитиэтин бэрэссэдээтэлэ:
--Мин биир тумус туттар өс хоһооммунан «Кырдьаҕастан сүбэтин, эдэртэн эйэтин ыл» диэн өс хоһооно буолар. Бу өс хоhоонугар аҕа саастаах дьоммутугар убаастабыллаах сыhыан баар буолуохтааҕын уонна аҕам сааска тиийбит дьон уопуттарын, сүбэлэрин үлэҕэ-хамнаска, уустук түгэннэргэ туhанар көдьүүстээх буоларын быһаарар. Онтон эдэр, эрчимнээх киhиэхэ сөптөөх суолу ыйан, биир тылы булан бииргэ үлэлииргэ-хамсыырга ыҥырар.

1

 Өссө биир сөбүлүүр өс хоһооммунан «Үчүгэй ат биир кымньыылаах, үтүө киhи биир тыллаах» диэн өс хоhооно буолар. Өбүгэлэрбит бу муударай этиилэрэ билиҥҥи олоххо олус оруннаах, ол эбэтэр быhаарыы ыларгар толкуйдаан баран, сөптөөҕүн ылыннахха, этиллибит тылгыттан туоруо суохтааҕын туһунан этэр. «Сүгэ кыайбатаҕын -- сүбэ кыайар» диэн эмиэ олус бэргэн өс хоһооно баар. Ол аата дьон санаатын истэн, бииргэ сүбэлэhэн быhаарыы ылынар ордук диэн буоллаҕа. Мин эбэм, Өрүүнэ эмээхсин этэр этэ: «Эн эрэ айаххыттан күөх от үүнүө дуо?» -- диэн. Ол аата барытын дьону кытта үллэһиҥ диэн этэр буоллаҕа.

 

“Сүгэ хоппотун сүбэ кыайар”

 

маны сугэ фото

Павел Ксенофонтов – Ойуур Байбал, норуот дьокутаата:

“Сүгэ хоппотун сүбэ кыайар”. Мин, производственник буоларбынан, мэлдьи сүбэлэһэн оҥорорбун ордоробун. Соҕотох киһи быһаарара хаһан баҕарар сыысхаллаах буолар. Ити өс хоһоонугар этиллэр: сүгэ – соҕотох киһи. Нууччаҕа “Биир төбө – үчүгэй, икки – өссө ордук” дииллэрин курдук. Ол иһин олоҕум тухары сүбэлэри тэрийэбин, тэрийсэбин. Миниистири солбуйааччынан үлэлиир кэммэр бырамыысыланнаска үлэлээбит бэтэрээннэри түмэн, сүбэ тэрийбитим. Онтон итэҕэл сүбэтин тэрийэн сүрүннүү сылдьабын.

ксенонфонтов

“Кырдьаҕаһы хааһаххар уга сылдьан сүбэлэт”. Иккис ис хоһооно бастакыттан сиэтиллэн тахсар. Билиҥҥи сорох эдэр уолаттар сааһырбыт, кырдьаҕас дьону соччо аахайбаттара, сэҥээрбэттэрэ баар көстүү. “Динозаврдар” аныгы үйэ тиэхиньикэтин, технологиятын хантан билиэхтэрэй, быһаарсыбаттар” диэн сэниирдии сыһыаннаһаллар,  бэйэлэригэр тэҥнии санаабаттар. Өбүгэбит өс хоһооно сахалыы сиэрдээх буоларга, кырдьаҕастарбытыгар харыстабыллаахтык сыһыаннаһарга үөрэтэр тосхоллоох.

                "Салаасканы сайын бэлэмнээ"

маны салааска фото

Александр Гоголев, норуот дьокутаата:

-«Сахатранснефтегаз» АУо-ҕа кылаабынай инженеринэн үлэлиибин. Онон биһиги күннээҕи түбүкпүт инженернэй производствоны кытта сибээстээх.  Ол иһин буолуо, биһиги үлэбит чуолкай туттунууну эрэйэр, ээл-дээл сыһыаннаһыы диэн букатын суох буолуохтаах. Өрөспүүбүлүкэ үгүс улууһун гааһынан хааччыйабыт, бу олус эппиэтинэстээх  үлэ буолар.

гоголев александр

Ол иһин, үгүс өттүгэр “Сэттэтэ кээмэйдээн баран, биирдэ быс” диэн нуучча өһүн хоһоонун туһанабын. Итини тэҥэ, «Салааскаҕын сайын бэлэмнэн” диэн нуучча өһүн хоһооно биһиги үлэбитигэр олус чугас. Сандал саас буолара чугаһаата. Ону кытта сотору сайын кэлиэ. Сайын саҕаланыытыттан саҕалаан биһиги гаас барар ситимтэрин, гааһы тарҕатар ыстаансыйаларбытын көрөн-истэн өрөмүөннээн барабыт. Ол аата кэлэр кыстыкка бэлэмнэнэбит. Сайын төһөнөн үчүгэйдик өрөмүөн үлэтин тэрийэбит да, кэлэр кыһыны этэҥҥэ көрсөбүт.  Түгэнинэн туһанан,  Төрөөбүт тыл аан дойдутааҕыкүнүнэн барыгытын итиитик-истиҥник эҕэрдэлиибин!

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением