Саха Өрөспүүбүлүкэтин Судаарыстыбаннаһын күнүнэн Ил Дархан Айсен Николаев эҕэрдэтэ
Издательский дом Редакция Подписка
Погода в Якутске: . 8 oC

Сүрүн сонуннар

Бүгүҥҥү сонуннар

Бэлиитикэ

Биэнсийэ, хамнас уонна тииһинэн олоруу алын кээмэйэ улаатар

Бэс ыйын 1 күнүттэн үлэлээбэт биэнсийэлээхтэр биэнсийэлэрэ 10 %-ынан үрдүөҕэ, ону таһынан хамнас алын кээмэйэ уонна тииһинэн олоруу алын кээмэйэ 10 %-ынан улаатыаҕа. Итинник дьаһалы Судаарыстыбаннай Сэбиэт президиумун мунньаҕар Бэрэсидьиэн Владимир Путин…
26.05.22 09:08

Экэниэмикэ

Дьоруой сулуһугар тиэрдибит суол

Сунтаар улууһун «Кириэстээх» кэпэрэтиибин чулуу ыанньыксыта, үс истиэпэннээх «Үлэ Албан аата» уордьан толору кавалера, Саха сирин хомсомуолун бириэмийэтин лауреата, «Бочуот» уонна «Хотугу сулус» уордьаннардаах Владимир Африканович Михайловка Саха…
26.05.22 14:29

Уопсастыба

Култуура

Саха театрын сыанатыгар кэскиллээх бырайыак сүрэхтэннэ!

Ыам ыйын 24 күнүгэр Саха театрыгар дьоhун тэрээhин ыытылынна. Ол курдук Дьокуускайдааҕы педагогическай колледж устудьуоннарын кытта Саха театрын артыыстара биир санааҕа түмсэн, эрдэттэн бэлэмнэнэн, айымньылаахтык үлэлээн-хамнаан «Семинария паартатыттан…
25.05.22 23:10

Түһүлгэ

 Мүрүйээдэ: үтүмэн үйэлэр быыстарын сэгэтэн

Мүрү Эбэ аата аан бастаан сурукка-бичиккэ киирбитэ 355, Бороҕон улууһугар оҕону үөрэхтээһин саҕаламмыта 250, Саха АССР тэриллибитэ 100 сылларынан, итиэннэ Мүрүгэ Саха Сирин норуоттарын VIII спортивнай оонньууларын көрсө, "Мүрүйээдэ (үтүмэн үйэлэр быыстарын…
07.04.22 22:37

Тыа сирэ

Хаптаҕайтан хааннаахпын хаһан да умнубаппын...

Өлүөнэ эбэбит уҥа биэрэгэр, Мыла, Тамма үрэхтэр икки ардыларыгар тайаан сытар, үс Геройу үөскэппит өлгөм буордаах, үтүө-мааны үлэһит дьонноох, төрөөбүт-үөскээбит Хаптаҕайбыт төрүттэммитэ 200 сылыгар, Социалистическай Үлэ Геройа Гаврил Семенович Самсонов…
10.04.22 16:09

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

75 саастаах Өйдөбүнньүк

1941-1945 сс. Аҕа дойдуну көмүскүүр Улуу сэриигэ оҕолорун мэлиппит ийэлэр, кэргэттэрин сүтэрбит огдооболор, аҕаларын былдьаппыт тулаайахтар манна кэлэн сүгүрүйэллэрэ, өлбүттэр куттара манна баарын курдук саныыллара...
26.05.22 14:08

Ытыктабыллаах Саха сирин олохтоохторо!

Биир дойдулаахтарым!

Ытыктабыллаах Саха сирин олохтоохторо!

Биир дойдулаахтарым!

Саха Өрөспүүбүлүкэтин салалтатын уонна тус бэйэм ааппыттан Саха Өрөспүүбүлүкэтин Судаарыстыбаннаһын күнүнэн итиитик-истиҥник эҕэрдэлиибин!

Бу бэлиэ күн 1990 сыллаахха Саха АССР Үрдүкү Сэбиэтэ Судаарыстыбаннай сүбэринитиэт туһунан Декларацияны ылыммыта. Биһиги дойдубут политическай уонна экономическай тутула уларыйар сүҥкэн суолталаах сылларыгар бу докумуон оччотооҕу тирээн турар кэм ирдэбилэ буолан, Саха сирин хас биирдии олохтооҕун дьылҕатын быһаарар суолталаммыта.

Саҥа уларыйыылар кэмнэригэр Саха Өрөспүүбүлүкэтэ быраап өттүнэн анал туругун чопчулаабыта уонна Арассыыйа Бэдэрээссийэтин кытта быстыспат ситимин бигэргэппитэ.

Өрөспүүбүлүкэ оччотооҕу салалтата уонна уопсастыбаннаһа тыҥааһыннаах политическай быһыыга-майгыга биһиги кэскилбитин быһаарбыт соҕотох сөптөөх суолу талбыттарын бэлиэтээн туран кинилэргэ дириҥ ытыктабылбытын биллэрэбит.

Саха сирин олохтоохторо гражданскай иэстэрин толорууга үгэс курдук улахан эппиэтинэстээхтик сыһыаннаһаллар. Аҕыйах хонуктааҕыта Ийэ дойдубут кэлэр кэскилин түстүүр дириҥ политическай суолтатын өйдөөн туран, Федеральнай Мунньах Судаарыстыбаннай Дууматын быыбарыгар биһиги бары көхтөөхтүк кытынныбыт.

Элбэх омук сомоҕолоспут Саха сирин норуота олох бары эйгэтигэр бөдөҥ бырайыактары олоххо киллэриигэ сыралаахтык үлэлиир. Уһук Илин эригийиэҥҥэ өрөспүүбүлүкэбит экономическай уонна социальнай сайдыы тэтиминэн өрөспүүбүлүкэ инники кэккэҕэ сылдьар.

Саха сирин хас биирдии олохтооҕун уйгута уонна олоҕун хаачыстыбата үрдүүрүгэр ураты болҕомтону уурабыт. Дойдуга барытыгар курдук нэһилиэнньэлээх пууннарга гааһы киллэрэр үлэни-хамнаһы тиһэҕэр тиэрдиигэ туһаайыллыбыт далааһыннаах бырагыраама саҕаланна, национальнай уонна эрэгийиэннээҕи бырагыраамалар ситиһиилээхтик олоххо киирэллэр, суол-иис оҥоһуллар, бырамыысылынас уонна социальнай эбийиэктэр тутуллан үлэҕэ киирэллэр.

Оҕо саас табыгастаах уонна сайыннарыыны түстүүр эйгэтин тэрийии биһиги ыытар үлэбит тумус суолталаах хайысхатынан буолар. Өрөспүүбүлүкэ үрдүнэн саҥа оскуолалары уонна оҕо уһуйааннарын тутар үлэ салҕанар. Кэнники үс сыл иһигэр 26 оскуола уонна 55 оҕо уһуйаана тутуллан үлэҕэ киирдэ. Аҥаардас быйыл 14 оскуола уонна 14 оҕо уһуйаанын арыйыахпыт.

Инникитин оҕолорго өссө үрдүк хаачыстыбалаах үөрэҕи уонна биир симиэнэнэн үөрэнэрин хааччыйарга туһуламмыт киэҥ далааһыннаах үлэ күүтэр.

Доруобуйа харыстабылыгар дьоһун суолталаах тутуу үлэтэ ыытыллар. Бэдэрээссийэ Бырабыыталыстыбатын өйөбүлүнэн өрөспүүбүлүкэ киинигэр кэлэр сылларга кардиологическай уонна онкологическай диспансердар – икки бөдөҥ бырайыак үлэҕэ киириэҕэ.

Саха сирин түөрт оройуонугар доруобуйа харыстабылын алын сүһүөҕүн саҥардан биэрии бырагырааманан балыыһа комплекстарын уонна поликлиникалары бырайыактыыр уонна тутар үлэ саҕаланна.

Үөрүүлээх түгэннэри, тэтимнээх үлэни-хамнаһы сэргэ улахан тургутуулары туоруурга күһэллэбит. Быйыл хаһан да буолбатах баһаардары көрүстүбүт. Уоту утары сааһыттан, омугуттан тутулуга суох норуот бүттүүнэ туруммута. Саха сирин олохтоохторо биир киһи курдук сомоҕолоһууларын уонна дойду кииниттэн сүҥкэн көмөтүн түмүгэр бу уустук быһыыттан-майгыттан кыайыылаах тахсыбыппыт.

Биһиги иннибит эрэ диэки дьулуһабыт! Хоннохтоохтук үлэлиибит, былааммыт үгүс! Биһиги үгүс ситиһиилэрбит, дьоһуннаах соруктарга, саҥа саҕахтарга сирдииллэр. 2022 сылга Саха АССР төрүттэммитэ 100 сылын далааһыннаахтык бэлиэтиэхпит. Өрөспүүбүлүкэ сайдыытыгар саҕаланар саҥа түһүмэх кэмҥэ төрөөбүт дойдубутунан киэн тутта үктэниэхпит. Дойдубут чэлгийэ сайдарын туһугар саҥа кыайыыларга бэлэммит, эйэлээх, дьоллоох олоҕу салгыы айымньылаахтык тутуохпут!

Күндү Саха сирин олохтоохторо! Өссө төгүл Саха Өрөспүүбүлүкэтин Судаарыстыбаннаһын күнүнэн эҕэрдэлиибин! Хас биирдиигитигэр чэгиэн туругу, этэҥҥэ буолууну, дьолу-соргуну баҕарабын! Хас биирдии күн саҥаны түстүүр кыахтара ситиһиинэн эргийдиннэр!

Саха сирэ, иннибит диэки!

Саха Өрөспүүбүлүкэтин Ил Дархана Айсен Николаев

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением