Издательский дом Редакция Подписка
Погода в Якутске: . -31 oC
КУРС ЦБ: $ 71,53 | 82,83

Бүгүн, алтынньы 15 күнүгэр, Аан дойду үрдүнэн тыа сирин дьахталларын күнэ бэлиэтэнэр. Бу күнү бэлиэтиир туһунан аан бастаан 1995 сыллаахха Холбоһуктаах нациялар тэрилтэлэрин Аан дойдутааҕы IV конференциятын кыттыылаахтара тыа сиригэр олорор дьахталлар таһаарыылаах үлэлэрин, оҕону иитиигэ-үөрэтиигэ сыраларын сыаналааннар, тыа сирин дьахталларын күнүн бэлиэтииргэ быһаарбыттара. Алтынньы 15 күнэ – Тыа сирин дьахталларын аан дойдутааҕы күнүнэн бигэргэммитэ.

Бүгүн, алтынньы 15 күнүгэр, Аан дойду үрдүнэн тыа сирин дьахталларын күнэ бэлиэтэнэр. Бу күнү бэлиэтиир туһунан аан бастаан 1995 сыллаахха Холбоһуктаах нациялар тэрилтэлэрин Аан дойдутааҕы IV конференциятын кыттыылаахтара тыа сиригэр олорор дьахталлар таһаарыылаах үлэлэрин, оҕону иитиигэ-үөрэтиигэ сыраларын сыаналааннар, тыа сирин дьахталларын күнүн бэлиэтииргэ быһаарбыттара. Алтынньы 15 күнэ – Тыа сирин дьахталларын аан дойдутааҕы күнүнэн бигэргэммитэ.

Судаарыстыбаннай статистика федеральнай сулууспатын дааннайдарынан, 2016 сыл саҥатыгар дойду үрдүнэн 146,5 мөл. киһи олороруттан, дьахтар ахсаана – 78,3 мөл. Бу нэһилиэнньэ улахан аҥаара. Оттон Саха сиригэр - бүтэһик дааннайдарынан, 981 тыһ. киһи олорор эбит буоллаҕына, 499,5 тыһ. – дьахтар. Бу нэһилиэнньэ 51%.

WhatsApp Image 2020 11 21 at 18.57.58 e1605961636500

Дьахтар барахсан улуу күүһэ – дьиэ кэргэҥҥэ, оҕо иитиитигэр. Үтүө, өйдөөх дьахтар – үтүө ыччаты иитэн таһаарар. Олох сайдыытын тэтиминэн, саха дьахтара бүгүн – бэлиитик, дьокутаат, урбаанньыт, салайааччы... . Кинилэр бүгүҥҥү күҥҥэ тирээн турар боппуруостары көтөҕөллөр, холобур, «уһук илиҥҥи гектар», арыгылааһыны утары сокуоннары олоххо киллэрии, коррупцияны утары охсуһуу, өрөспүүбүлүкэ сайдыытын стратегиятын туһунан. Аныгы кэмҥэ үөрэх, билии ылынан, салайар үлэ, урбаан эйгэлэригэр эр дьону кытта тэҥҥэ үлэлиир, ол да буоллар, кини өбүгэбит олоҕу түстүүр сүрүн түбүгүн биири да энчирэппэккэ илдьэ сылдьар.

Биһиги кэрэ аҥардарбыт олоххо көхтөөх сыһыаннарынан, бары салааҕа дьоһуннаах үлэлэринэн, уопсастыба уонна бэлиитикэ эйгэтигэр ситиһиилэринэн киэн туттабыт. Тыа сиригэр олорор  кэрэ аҥардарбытыгар таһаарыылаах үлэҕит иһин ис сүрэхпиттэн махтанабыт! Эһиэхэ үлэҕитигэр, олоххутугар үрдүк ситиһиини,  чөл туругу, алаһа дьиэҕитигэр этэҥҥэ буолууну баҕарабыт!

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ