Аччыгый уонна орто урбааннар субъектарыгар судаарыстыбаннай хамсаабат-баай дуол төлөбүрүн болдьоҕун уһатар туһуттан биитэр аренда төлөбүрүн намтатарга аренда биэрээччи эбэтэр атыылааччы аадырыһыгар аренда, атыы дуогабардарыгар эбии сөбүлэҥ түһэрсэргэ сайабылыанньалаах тахсаллара наада.
Санатар буоллахха, СӨ Бырабыыталыстыбата СОVID-19 ыарыыны утары бэлэмнээх буолуу эрэсиимин кэмигэр судаарыстыбаннай хамсаабат баайга-дуолга түһэрсиллибит аренда уонна атыы дуогабардарыгар урбаанньыктарга, атыылааччыларга төлөбүр болдьоҕун уһатар туһунан сорудахтыыр уурааҕа баттаммыта. Уураахха ыйыллыбытынан, атыы уонна уопсастыбаннай ас-үөл эйгэтигэр үлэлиир урбаанньыктарга аренда төлөбүрүн ыарыыны утары бэлэмнээх буолуу эрэсиимин кэмигэр төлөммүт ороскуоттарын сууматыгар диэри намтаталлара көрүллэр. Ону таһынан, судаарыстыбаннай хамсаабат баайы-дуолу атыылаһааччылар дуогабарынан төлөнүллүөхтээх төлөбүрдэрин болдьоҕо уһаан биэрэр.
- 0
- 0
- 0
- 0
- 0
- 0