Үлэ киһитэ - агроном Люция Готовцева 75 сааһын бэлиэтиир
Издательский дом Редакция Подписка
Погода в Якутске: . 13 oC

Сүрүн сонуннар

Бүгүҥҥү сонуннар

Бэлиитикэ

Биэнсийэ, хамнас уонна тииһинэн олоруу алын кээмэйэ улаатар

Бэс ыйын 1 күнүттэн үлэлээбэт биэнсийэлээхтэр биэнсийэлэрэ 10 %-ынан үрдүөҕэ, ону таһынан хамнас алын кээмэйэ уонна тииһинэн олоруу алын кээмэйэ 10 %-ынан улаатыаҕа. Итинник дьаһалы Судаарыстыбаннай Сэбиэт президиумун мунньаҕар Бэрэсидьиэн Владимир Путин…
26.05.22 09:08

Экэниэмикэ

Дьоруой сулуһугар тиэрдибит суол

Сунтаар улууһун «Кириэстээх» кэпэрэтиибин чулуу ыанньыксыта, үс истиэпэннээх «Үлэ Албан аата» уордьан толору кавалера, Саха сирин хомсомуолун бириэмийэтин лауреата, «Бочуот» уонна «Хотугу сулус» уордьаннардаах Владимир Африканович Михайловка Саха…
26.05.22 14:29

Уопсастыба

Култуура

Саха театрын сыанатыгар кэскиллээх бырайыак сүрэхтэннэ!

Ыам ыйын 24 күнүгэр Саха театрыгар дьоhун тэрээhин ыытылынна. Ол курдук Дьокуускайдааҕы педагогическай колледж устудьуоннарын кытта Саха театрын артыыстара биир санааҕа түмсэн, эрдэттэн бэлэмнэнэн, айымньылаахтык үлэлээн-хамнаан «Семинария паартатыттан…
25.05.22 23:10

Түһүлгэ

 Мүрүйээдэ: үтүмэн үйэлэр быыстарын сэгэтэн

Мүрү Эбэ аата аан бастаан сурукка-бичиккэ киирбитэ 355, Бороҕон улууһугар оҕону үөрэхтээһин саҕаламмыта 250, Саха АССР тэриллибитэ 100 сылларынан, итиэннэ Мүрүгэ Саха Сирин норуоттарын VIII спортивнай оонньууларын көрсө, "Мүрүйээдэ (үтүмэн үйэлэр быыстарын…
07.04.22 22:37

Тыа сирэ

Хаптаҕайтан хааннаахпын хаһан да умнубаппын...

Өлүөнэ эбэбит уҥа биэрэгэр, Мыла, Тамма үрэхтэр икки ардыларыгар тайаан сытар, үс Геройу үөскэппит өлгөм буордаах, үтүө-мааны үлэһит дьонноох, төрөөбүт-үөскээбит Хаптаҕайбыт төрүттэммитэ 200 сылыгар, Социалистическай Үлэ Геройа Гаврил Семенович Самсонов…
10.04.22 16:09

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

75 саастаах Өйдөбүнньүк

1941-1945 сс. Аҕа дойдуну көмүскүүр Улуу сэриигэ оҕолорун мэлиппит ийэлэр, кэргэттэрин сүтэрбит огдооболор, аҕаларын былдьаппыт тулаайахтар манна кэлэн сүгүрүйэллэрэ, өлбүттэр куттара манна баарын курдук саныыллара...
26.05.22 14:08

Бүгүн, ахсынньы 17 күнүгэр, тыа хаһаайыстыбатын наукатын хандьыдаата, СӨ үтүөлээх агронома, СӨ наукаҕа уонна тиэхиньикэ салаатыгар судаарыстыбаннай бириэмийэ Лауреата Люция Петровна Готовцева 75 сааһын бэлиэтиир.

Бүгүн, ахсынньы 17 күнүгэр, тыа хаһаайыстыбатын наукатын хандьыдаата, СӨ үтүөлээх агронома, СӨ наукаҕа уонна тиэхиньикэ салаатыгар судаарыстыбаннай бириэмийэ Лауреата Люция Петровна Готовцева 75 сааһын бэлиэтиир.

Кини научнай эргимтэҕэ үгүс күүһүн-уоҕун, сыратын ууран туран араас моонньоҕон суортарын таһаарбыт ааптарынан биллэр. СӨ үтүөлээх агронома, Арассыыйа тыатын хаһаайыстыбатын туйгуна, Хаҥалас улууһун Бочуоттаах гражданина, үлэ бэтэрээнэ.  

Люция Петровна Уус Алдан улууһун Бороҕон нэһилиэгэр төрөөбүтэ. Эрдэ тулаайах хаалан, абаҕатын дьиэ кэргэнигэр иитиллибитэ. 1 №-дээх Мүрүтээҕи орто оскуоланы бүтэрэн баран, Люция Готовцева тыа хаһаайыстыбатын техникумугар агрономия салаатыгар үөрэммитэ. Салгыы үрдүк үөрэх кыһатыгар киирэн,  Саха сирин араас моонньоҕон суортарын туһунан диссертацияны көмүскээбитэ. Уонча сыл оҕуруот отонун култуураларын үүннэриигэ, чуолаан, моонньоҕон саҥа суордун таһаарыыга анаабыта.

8122ccf4ec7bc216bc7824c70110a1bdd83b07da

Бииргэ үлэлээбит кэллиэгэлэрин кытта "Хара Кыталык", "Мүчээнэ", "Эрэл", "Люция", "Кындыл" курдук суортары таһаарбыттара.  Оччолорго, 80-с сыллар саҕаланыыларыгар, Саха сиригэр моонньоҕону бэйэ үүннэрэн таһаарар кыахтара суоҕа, оҕуруокка үүнэриллэр моонньоҕон уктара атын эрэгийиэннэртэн эрэ аҕалыллара. Аҕалыллыбыт моонньоҕон суортара Сахабыт сирин тыйыс тымныы услуобуйалаах тоҥоруларын тулуйбат этилэр. Мантан сиэттэрэн, Люция Петровна кэллиэгэтинээн Мария Черткованы кытта моонньоҕон саҥа суортарын таһаарар селекциятынан дьарыктаммыттара. Өрөспүүбүлүкэ араас оройуоннарынан сылдьан, дьиикэй моонньоҕон уктарын аҕалыллыбыт суортары кытта селекциялаан бодьуустаһалара.

2bc7e285103cbe252c32bf7a3825393597f517c7

Люция Петровна элбэх сыллаах үлэтин уталытан, эдэр көлүөнэлэргэ үтүө холобур буолуо диэн эрэллээх. Кини бэйэтин утумнааччыларынан киэн туттар - үлэтин салгыы сайыннарар икки наука хандьыдаата буолаллар.

Бэлиэтээн эттэххэ, кини кэллиэгэлэринээн төрөөбүт улууһугар моонньоҕон суортарын, дьаабылыка мастарын, сэдэх үүнээйилэри оҕуруотчуттарга анаан аҕалбыттара  билигин даҕаны силигилии үүнэллэр. Бочуоттаах сынньалаҥҥа олорор, сиэннэрин, хос сиэннэрин көрөр-истэр, ону тэҥэ иллэҥ кэмин оҕуруотун көрүүтүгэр аныыр.

Ытыктабыллаах Люция Петровна! Өрөгөйдөөх үбүлүөйгүнэн ис сүрэхтэн эҕэрдэлиибит! Кытаанах доруобуйаны, тус олоххор дьолу-саргыны баҕарабыт!

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением