Ону кытта элбэх оҕолоох кыаммат ыаллар оҕолоругар үөрэх кэмигэр аһыахтаах нуормаларын бородууктанан түҥэтэн эрэллэр. Төрөппүттэр анаммыт чааска оскуола остолобуойугар кэлэн, бородуукталары ылан бараллар. «Рис куруппаны, мааннай бороһуогу, саахары, хомпуот буолар хатырыллыбыт фруктаны, бичиэнньэни 200-тэн тахса бакыаттарга уган бэлэмниибит. Нэдиэлэ аайы аспыт көрүҥүн уларытыахпыт. Холобур, кэлэр нэдиэлэҕэ рис куруппа оннугар гречка буолуон сөп», -- диэн үөрэх кыһатын хаһаайыстыбаннай чааһын үлэһитэ Лия Торохова билиһиннэрдэ. Бу курдук Ньурба улууһун уһук сытар Маалыкай сэлиэнньэтин олохтоохторо баар балаһыанньаттан өмүттүбэккэ, уолуйбакка, олох салҕанар аналын өйдөөн үлэлии-хамсыы сылдьаллар.
- 0
- 0
- 0
- 0
- 0
- 0