Арассыыйалар “Газпром медиа” састаабыгар киирэр RuTube  ханаалы саҥардыбыттарын туһунан суруйаллар. Бу ханаал АХШ бөдөҥ ханаалын ханыыта, “клона” буолар. Онно Youtube функцияларын үтүгүннэрэн ылбыттар.

Санаттахха, былырыын Youtube салалтата Арассыыйа судаарыстыбаннай медиаларын аккауннарын саппыта уонна Владимир Соловьев биэриитин хааччахтаабыта. Ол кэннэ ханаал “хара испииһэккэ” киирбитэ.

2020 сыл ахсынньытыгар Владимир Путин Роскомнадзорга омук дойдуларын интэриниэт түһүлгэлэрин хааччахтыыр эбэтэр сабар быраабы биэрэр сокуоҥҥа илии баттаабыта.

Манна эбии бэлиэтээн эттэххэ, Арассыыйаҕа “көҥүл интэриниэт” бэлиитикэтэ олоххо киирэ турар. Роскомнадзор иһитиннэрэринэн, үлэ былааннаахтык бара турар. 2021 сыл бүтүүтэ түмүктэнэрэ күүтүллэр.