Бу бырагыраама дойду бары эрэгэйиэннэригэр үлэлиэхтээҕин, ол эрээри усулуобуйата кыратык уларыйыахтааҕын ыйбыт. Ол курдук, чэпчэтиилээх ипотека сыллааҕы ыстаапката 7%, муҥутуур бэриллэр суума кээмэйэ 3 мөл. солк. буолбут.
Санатар буоллахха, чэпчэтиилээх ипотека бырагыраамата 2020 сыл муус устар ыйыттан үлэлээбитэ, сыллааҕы ыстаапката 6,5%, эрэгийиэнэргэ ипотеканан бэриллэр муҥутуур кирэдьиит суумата 6 мөл. солк. этэ. Бырагыраама олоххо киирбитин кэннэ ипотеканан кирэдьиити ылыы көрдөрүүтэ эмискэ үрдээбит. Бырагыраама 2020 сыл сэтинньи ыйыгар үлэлээн бүтүөхтээҕэ, ол эрээри 2021 сыл от ыйыгар диэри уһатыллыбыта. Ол курдук, бырагыраама өссө биир сыл уһатылынна. Чэпчэтиилээх ыстаапкалаах ипотека бырагыраамата дьиэ-уот тутуутун салаатыгар 2 трлн солк. үбү киллэрбит, 500 тыһ. тахса ыал чэпчэтиилээх ипотеканан дьиэлэммит.
- 0
- 0
- 0
- 0
- 0
- 0