Издательский дом Редакция Подписка
Погода в Якутске: . -0 oC
КУРС ЦБ: $ 73,96 | 86,68

Дьокуускай куоракка ааспыт сэттэ ый түмүгүнэн итирик туруктаах дьон буруйу оҥоруулара биллэ элбээбит.

Дьокуускай куоракка ааспыт сэттэ ый түмүгүнэн итирик туруктаах дьон буруйу оҥоруулара биллэ элбээбит.

Балаҕан ыйын 16 күнүгэр Дьокуускай куорат дьаһалтатын баһылыгын солбуйааччы Наталья Степанова буруйу оҥорууну сэрэтиигэ үлэлэһэр тэрилтэлэр икки ардыларынааҕы хамыыһыйа уочараттаах мунньаҕын тэрийбит.

Ис дьыала министиэристибэтин Дьокуускайдааҕы салаатын иһитиннэриитинэн, бу сыл ааспыт сэттэ ыйын түмүгүнэн итирик дьон киһини өлөрүүлэрэ эбэтэр доруобуйаҕа ыарахан эчэйиилэри оҥоруулара элбээбит. Ону таһынан, уорааһын уонна халааһын 37 % үрдээбит. Маннык буруйу оҥоруу үксүн кафеларга, бардарга, эрэстэрээннэргэ, түүҥҥү кулууптарга тахсыбыт. Сэттэ ый устата 42 холуобунай дьыала көбүтүллүбүт.

images

Полиция полковнига Владимир Дорожкин “Пивхаус”, “Новый Пекин”, “Мята”, “Мохито”, “Ремикс”, “Контакт” уонна “ЧилАут” курдук тэрилтэлэр ордук кутталлаахтарын бэлиэтээбит. Баларга саамай элбэх буруйу оҥоруу тахсыбыт. Үҥсүһүү бээтиҥсэттэн саҕалаан өрөбүл күннэри быһа тохтоло суох киирэрин эппит. Итирик дьон үксүн түүн 23 чаастан 2 чааска диэри наһаалыылларын санаппыт. Полиция бэрэстэбиитэлэ буруйу оҥоруу элбээһинин былырыыҥҥыны кытта тэҥнээтэххэ, коронавируһу утары хааччахтааһын миэрэлэрэ сымнаабыттарын кытта ситимнээбит.

– Былырыын түүҥҥү кулууптар үлэлэрэ толору хааччахтаммыта. Онон итилэргэ буруйу оҥоруу улаханнык бэлиэтэммэтэҕэ. Билигин хааччахтааһын эрэсиимэ сымнатыллан, буруйу оҥоруу элбээн эрэр, – диэн Владимир Дорожкин дьаархаммыт.   

60922398809af

СӨ Урбааҥҥа министиэристибэтин дааннайынан, киин куоракка 433 маҕаһыыҥҥа уонна общепит тэрилтэлэригэр арыгы атыыланар. Саамай элбэх арыгы туочукалара Строительнай, Октябрьскай уонна Промышленнай уокуруктарга бааллара биллэр. Статистика көрдөрөрүнэн, уокурукка төһөнөн элбэх арыгы атыылыыр тэрилтэ баар да, соччонон буруйу оҥоруу үгүс. Онон мунньах кыттыылаахтара ити кыһалҕаны уонна Дьокуускайга “медвытрезвителлэри” тэрийии боппуруоһун сиһилии ырыппыттар. Күн бүгүн итирик дьону уопсастыбаттан арааран туспа тутар тэрилтэлэр суохтар. Ол гынан баран, киин куорат дьаһалтатын быраап уорганнарын кытары уонна коррупцияны утары үлэҕэ салалтатын начаалынньыга Юрий Петров РФ Доруобуйа харыстабылын министиэристибэтэ, Үлэҕэ министиэристибэтэ уонна Ис дьыалаҕа министиэристибэтэ тустаах быраабылалары бигэргэппиттэрин туһунан иһитиннэрбит. Онон РФ бүддьүөтүн суотугар дойду үрдүнэн итирик дьонунан анаан-минээн дьарыктанар анал тэрилтэлэр тэриллэллэрэ былааннанар.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ