Биллиилээх бэлитиичэскэй уонна уопсастыбаннай диэйэтэл 120 сыллаах үбүлүөйүгэр Таатта улууһун Боробул нэһилиэгэр киниэхэ аналлаах пааматынньык турда. Бу күн салаа бастыҥ үлэһиттэригэр А.К. Андреев аатынан стипендиялары туттардылар. Ону сэргэ, Ытык Күөл 8-с №-дээх хочуолунайыгар ОДьХХ бэтэрээнин Афанасий Петрович Харитонов аатын иҥэрдилэр.
Боробул нэһилиэгин кулуубугар уопсастыбаннас уонна ОДьХХ үлэһиттэрин үөрүүлээх мунньаҕа буолла. Маныаха “Үтүө киһи аата үйэлэргэ өлбөөдүйбэт” диэн бастакы Андреевскай ааҕыылар аастылар. Мунньах кэмигэр Саха сиринээҕи ОДьХХ тэрилтэлэрин түмсүүтэ уонна “Якутскэнерго” ПАУо А.К. Андреев аатынан хомунаалынай хаһаайыстыба үлэтигэр аналлаах мусуойу тэрийиигэ сөбүлэҥ түһэристилэр.
- 0
- 0
- 0
- 0
- 0
- 0