– Дьокуускайга 35 киһи ыарыйда. Үксүн дьон үлэтигэр эбэтэр сэрэҕэ суох сынньана сылдьан хаптарар, – диэн эттэ.

Мэҥэ Хаҥаласка – 5, Тааттаҕа – 4, Чурапчыга – 4, Алдаҥҥа – 2, Үөһээ Дьааҥыга – 2 уонна Ньурбаҕа – 1 киһи коронавируска сутуллубутун кэпсээтэ.

Ааспыт сууккаҕа өлүү түбэлтэлэрэ тахсыбатахтар. Өрөспүүбүлүкэҕэ 2540 анаалыс оҥоһуллубут. Пандемия саҕаланыаҕыттан уопсайа 340 832 чинчийии оҥоһуллубут.

– Ааспыт нэдиэлэҕэ Дьокуускайга эбии лабаратыарыйа үлэтин саҕалатаата. Онон сыыйа коронавируска анаалыс туттарыыта судургутуйуо, – диэн Балабкина бэлиэтээтэ.

Билигин суһал ыстаап балаҕан ыйын 1 күнүгэр бэлэмнэнэр.

– Оскуолалар, уһуйааннар, эбии үөрэхтээһин тэрилтэлэрэ балаҕан ыйын 1 күнүн үрдүк тэрээһиннээхтик уонна доруобуйаҕа куттала суохтук көрсөллөрүн хааччыйыахтаахпыт, – диэн тоһоҕолоото.

Ону таһынан суһал ыстаап салайааччытын солбуйааччы атырдьах ыйын 14 күнүттэн аһыллыбыт фитнес-кулууптар салалталара дьон доруобуйатын иннигэр уһулуччу эппиэтинэһи сүгэллэрин санатта.

Ольга Балабкин нэһилиэнньэ санитарнай-эпидемиологическай нуормалары салгыы тутуһарыгар ыҥырда.