Улуустарынан эрэдьиэстиир буоллахха, маннык хартыына үөскүүр.  Дьокуускайга — 49, Нерюнгригэ — 11, Мэҥэ Хаҥаласка, Мииринэйгэ — 8-тыы,  Бүлүүгэ — 7,  Алдаҥҥа, Аллараа Халымаҕа — 5-тии,  Өймөкөөҥҥө, Уус Алдаҥҥа — 4-түү,  Ленскэйгэ, Намҥа, Уус Майаҕа, Эбээн Бытантайга — 3-түү,  Аммаҕа, Эдьигээҥҥэ, Өлөөҥҥө, Тааттаҕа, Томпоҕо, Чурапчыга — 1-дии киһи ыалдьыбыт.  Ааспыт суукка устатыгар  өрөспүүбүлүкэ үрдүнэн 1315 анаалыс ылыллан оҥоһуллубут. Онон сыл саҕаланыыта ыарыыны кэрэһэлиир хобдох сыыппара арыый намыраан эрэр диэн үөрүөхпүтүн  наада. Оҕус сыла  үчүгэй хараҕынан көрүүһү быһыылаах диэн эрэниэҕиҥ.