Саҥа сокуонунан, дьиэ кыыла хайаан да маркировкаламмыт (чиптэммит), итиэннэ Animal ID дааннайдар базаларыгар киирбит бэтэринээринэй пааспардаах буолуохтаах. Маны сэргэ иирии ыарыытыттан хайаан да вакцинацияламмыт кыылы тас дойдуга таһаарар көҥүллэнэр. Сорох дойдуга атын да анализтары көрдүөхтэрин сөп.
Айанныах биэс күн иннинэ паразиттарга анализ туттаран, ыспараапкалаах эрэ айанныыр табыллар. 5А бэтэринээринэй сертификаты эбэтэр евро ыспыраапканы Россельхознадзор үлэһиттэрэ аэропортка биэрэллэр. Маннык бэтэринээринэй сертификаты оҥорторорго сайаапканы электронно биэриэххэ эмиэ сөп.
Маны ааһан, тиийэр дойдугар дьиэ кыылын киллэрэр ирдэбиллэри үөрэтэр, онно бэлэмнэнэр оруннаах. Ханнык эмэ кыылы, боруоданы киллэрэр бобуулаах буолуон сөп. Холобур, Израильга бультерьер уонна ротвейлер ыттары киллэрэр сатаммат. Өскөтүн оннук боруода ыт Израиль территориятыгар киирдэҕинэ, иччитин суотугар төттөрү утаараллар.
Сорох авиа хампаанньаларга араас бобуу, хааччах баар буолуон сөп. Ол курдук, «Аэрофлот» сөмөлүөккэ черепаханы, эриэн үөнү, морской свинканы, бульдогу уонна мопс боруода ыты ылбат.
Уопсайынан, дьиэ кыылын кытта айанныах биир ый инниттэн бары өттүн толкуйдаан баран илдьэ барар оруннаах.
- 0
- 0
- 0
- 0
- 0
- 0