Издательский дом Редакция Подписка
Погода в Якутске: . -16 oC
КУРС ЦБ: $ 71,53 | 82,83

Арыгы боппуруоһа өрүү сытыы. Мунньахтарга буоллун, таһырдьа буоллун,  "күөх моҕой" баарын хайаан да күүскэ биллэрэр. Оттон табах боппуруоһа оннук-айылаах күүскэ туруоруллубат эрээри, бүгүҥҥүттэн итиннэ аналлаах тустаах сокуон сиилэтигэр киирдэ.

Арыгы боппуруоһа өрүү сытыы. Мунньахтарга буоллун, таһырдьа буоллун,  "күөх моҕой" баарын хайаан да күүскэ биллэрэр. Оттон табах боппуруоһа оннук-айылаах күүскэ туруоруллубат эрээри, бүгүҥҥүттэн итиннэ аналлаах тустаах сокуон сиилэтигэр киирдэ.

2021 сыл олунньу 1 күнүттэн интэриниэт ситиминэн никотиннаах бородууксуйалары, ону тэҥэ, табаҕы сылытарга аналлаах систиэмэни (кальяннар) атыылыыр бобулунна. Ону тэҥэ, ити бородууксуйалары далааһыннаахтык рекламалыыр эмиэ кытаанах хааччахха ылылынна. Бэрт аҕыйах күннээҕитэ РФ Госдуматыгар дьокутааттар азот аһытыытын рекламалаабыт киһини административнай эппиэтинэскэ тардар тустаах сокуону үһүс ааҕыыга ылыннылар. Бу сокуон олоххо киирэригэр сүрүн көҕүлээччинэн РЛДП дьокутааттара буолбуттара.

«Бары өттүнэн сөптөөх сокуон олоххо киирдэ. Биһиги баартыйабыт арыгы, табах тустарынан рекламены бобор туһунан өрүү этэр уонна күүскэ туруорсар. Ханнык эмит тэрил-мал дьон хараҕар аалыҥнаабат, көстүбэт буоллаҕына, биллэн турар, онно эрэ наадыйбат буолаллара чуолкай. Уопсайынан, арыгы маҕаһыыннара туспа туруохтаахтар. Билигин хайдаҕый? Үгүстэрэ супер-маркеттарга бааллар. Дьон элбэхтик сылдьар маҕаһыыннарыгар арыгы, табах атыытын бобуохха наада. Нэһилиэнньэ доруобуйатын туһугар бары кыһаллыаҕыҥ», - диэн РЛДП дьокутаата Александр Курдюмов cөптөөх санааны эппит.

Бары билэрбит курдук, Саха сиригэр 2021 сыл -- Доруобуйа сылынан биллэриллибитэ. Доруобуйа сылыгар арыгы, табах атыытын боппуруостара өссө сытыытык тураллара буолуо. Кинилэр доруобуйаҕа, дьон олоҕор туох буортулаахтара, омсолоохторо кэпсэниллиэхтэрэ.  Арыгы атыытын боборго, рекламалыыры хааччахтыырга сэниэлээх соҕус хамсаныылар буолуохтара дуо? Ордук тыа сиригэр түүн арыгыны, ортотунан, 1000 солк. атыылыыр "туочукалар” билигин да көрдүгэннии сыталлара иһиллэр. Ону "умалларар" хаһан эмит кыаллыа дуо?

маны табак фото

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ