РФ үөрэҕин кэтээн көрүү түмүгүнэн инники күөҥҥэ Саха сирэ, Магадан, Тамбов, Тюмень, Калининградскай, Волгоград, Липецкэй, Кемеровскай, Рязанскай, Новгородскай, Ленинградскай, Брянскай, Владимирскай уобаластар, Камчатскай, Хабаровскай, Красноярскай, Алтайскай кыраайдар, Санкт-Петербург, Кузбасс, Севастополь куораттар, Адыгея, Чувашия, Татарстан, Хотугу Осетия, Коми өрөспүүбүлүкэлэрэ тахсыбыттар. Оттон 43 эрэгийиэн олохтоммут кыраапыктан хаалан иһэр эбит. Холобура. Еврейскэй автономнай уобалас  үһүс төгүлүн хаалан иһээччилэр ахсааннарыгар киирдэ, онон эрэгийиэн миниистирин ууратыы боппуруоһа турда.

«Үөрэҕирии» национальнай бырайыак оҕо дьоҕурун сайыннарыыга туһуланар. Ол туһуттан саҥа уһуйааннар, оскуолалар тутуллаллар, матырыйаалынай-тиэхиньиичэскэй базалара бөҕөргүүр, уһуйааччылар таһымнарын үрдэтэллэригэр усулуобуйа тэриллэр, үөрэтии тиһигэр үөрэх саҥа ньымалара уонна сатабыллара  киирэллэр.

Бу дьаһаллары олоххо киллэрии түмүгүнэн, 2024 сыл бүтүүтэ Арассыыйа уопсай үөрэхтээһин хаачыстыбатынан аан дойду 10 бастыҥ дойдутун ахсааныгар киириэхтээх.