Ыалдьыбыт киһи уопсай ахсаана 2042 буолбут. “Биир суукка иһигэр эбии 112 киһи ыарыйда, бу дьонтон 95 киһитэ Дьокуускай олохтоохторунан буолаллар. Өрөбүл күннэргэ дьиэҕэ олоруу эрэсиимин ирдэбилин кытаатыннарбыппыт түмүгэ сотору кэминэн биллиэҕэ. Бу күннэргэ дьиэҕэ олоруу индекса Арассыыйа атын регионнарын кытары тэҥнээтэххэ, саамай үрдүк этэ”, -- диэн эттэ Айсен Николаев.
Ил Дархан улуустарга балаһыанньа хайдаҕын туһунан иһитиннэрдэ. Нам улууһугар дьаҥ тарҕаныытын көрдөрүүтэ үрдүгүн, Алдан улууһугар 9 вахтанан үлэлии сылдьар дьон ыалдьыбыттарын иһитиннэрдэ. Өлүөхүмэ улууһугар дьон ыарыыга хаптарбыт, кинилэр кимнээҕи кытта хантаактаспыттарын билигин быһаараллар. Айсен Николаев Өлүөхүмэ улууһугар Олоҥхо ыһыаҕа ыытыллара саарбахтаммытын туһунан эттэ. “Мин Олоҥхо ыһыаҕын ыытары тохтотор туһунан сорудах биэрдим. Бу нэдиэлэ бүтэһигэр диэри быһаарыныы ылыныахпыт”, -- диэтэ.
2045 ыалдьыбыт киһиттэн 841 киһи үтүөрбүт, 8 киһи олохтон туораабыт, 420 киһи дьиэлэригэр олорон эмтэнэллэр.
Ил Дархан Айсен Николаев брифинин түмүгэр өрөспүүбүлүкэ олохтоохторун дьиэҕэ олоруу эрэсиимин тутуһарга ыҥырда.
- 0
- 0
- 0
- 0
- 0
- 0