Ахсынньы ыйыгар саҥа 7 оскуола уонна 8 уһуйаан ааннарын тэлэччи аһаллара былааннанар. Билиҥҥитэ ыйыллыбыт кэмигэр үлэҕэ киллэрэр курдук Дьокуускай куоракка 2, Томпо, Кэбээйи, Мэҥэ Хаҥалас, Үөһээ Бүлүү уонна Бүлүү улуустарыгар оскуолалар дьиэлэрэ тутулла тураллар. Киин куоракка бу сыл түмүктэниэр диэри 203 мкр-ҥа 360 миэстэлээх оскуола аһыллыахтаах. Маны таһынан 31№-дээх оскуолаҕа 315 миэстэлээх эбии тутуу киириэхтээх. “Прометей” мкр-ҥа 119 миэстэлээх оҕо саадын тутуохтара.

Томпо улууһун Хандыга сэлиэнньэтигэр 220 миэстэлээх гимназия, Бүлүү улууһун Тааһаҕарыгар 80 миэстэлээх оскуола, Үөһээ Бүлүү Тамалакааныгар 145 миэстэлээх оскуола-саад тутуулара түмүктэнэн, бу сылга үлэлиэхтэрэ. Маны таһынан Кэбээйигэ 53 оҕо сылдьар уонна үөрэнэр оскуола-саада, Мэҥэ Хаҥалас Хаптаҕайыгар 35 миэстэлээх оскуола иннинээҕи үөрэх дьиэтэ, Нам Бүтэй-Үрдэ сэлиэнньэтигэр уонна Өлүөхүмэ улууһун Үҥкү сэлиэнньэтигэр 50 миэстэлээх уһуйааннар, Ньурба Маарыгар уонна Томпо оройуонун Новай сэлиэнньэтигэр 35 миэстэлээх оҕо саадтара үлэҕэ киириэхтэрэ.

Оттон Сунтаар уонна Ньурба улуустарын кииннэригэр 240 уонна 280 миэстэлээх уһуйааннар тутуулара түмүктэниэ, Уус Майа Петропавловск сэлиэнньэтигэр 90 кырачаан сылдьар оҕо саада үлэлиэҕэ.