«Куйаас күннэр тураннар уонна күн уһаан биэрдэҕинэ киһиттэн киһиэхэ бэриллэр тумуу ыарыытын курдук коронавирус инфекцията тарҕаныытын күүһэ намтыан сөп диэн үрдүк эрэл баар. Оттон сөрүүн уонна ардахтаах күннэр турдахтарына, эбиитин  нэһилиэнньэ үлэлии, үөрэнэ тахсан  ыарыы тарҕаныытын иккис долгуна күһүн саҕаланара үрдүк", - диэн биэдэмистибэ иһитиннэрэр.

Ону таһынан,  ыарыы сибикитэ суох буоллаҕына ыарыһаҕы кытта бииргэ алтыспыт эрэ буоллаҕына COVID-19 ыарыы теһин оҥоруохха наада диэн бэлиэтииллэр.

Бу иннинэ РФ Доруобуйа харыстабылын министиэристибэтин баһылыга Михаил Мурашко  иһитиннэрбитинэн, коронавируһу утары охсуһууга билигин Арассыыйа  саамай суолталаах кирбиигэ тиийбитин чопчулаата. Министр бэлиэтииринэн, билигин хас биирдии киһи эппиэтинэстээх буоларыттан COVID-19 ыарыыны кыайарбыт тутулуктаах.

Дойду үрдүнэн коронавируһу утары охсуһуу Федеральнай суһал ыстаабын дааннайынан барыта 114 431 ыарыыга ылларбыт дьон түбэлтэтэ регистрацияламмыт, 13 220 - үтүөрбүт, 1 169 - өлбүт.