Издательский дом Редакция Подписка
Погода в Якутске: . 15 oC
КУРС ЦБ: $ 72,86 | 88,65

РФ Бэрэсидьиэнэ Владимир Путин РФ Судаарыстыбаннай Сэбиэтин статуһун, тэриллиитин уонна үлэтин туһунан сокуоҥҥа илии баттаата.

РФ Бэрэсидьиэнэ Владимир Путин РФ Судаарыстыбаннай Сэбиэтин статуһун, тэриллиитин уонна үлэтин туһунан сокуоҥҥа илии баттаата.

Бу саҥа сокуоҥҥа этиллэринэн, Госсовет бэрэссэдээтэлинэн РФ Бэрэсидьиэнэ буолар. Оттон чилиэннэринэн премьер-миниистир, Федерация Сэбиэтин уонна Госдума бэрэссэдээтэллэрэ, бэрэсидьиэн дьаһалтатын салайааччылара, эрэгийиэн баһылыктара. Ону таһынан Госдумаҕа фракциялаах бэлитиичэскэй баартыйалар, олохтоох бэйэни салайыыны  бэрэстэбиитэллэрэ, уо.д.а.

РФ Федерациятын Сэбиэтин конституционнай сокуону оҥорууга уонна судаарыстыбаны тутууга кэмитиэтин баһылыга Андрей Клишас бэлиэтииринэн, Госсовет судаарыстыбаннай былаас уоргана буолбатах. Тоҕо диэтэххэ, РФ Бэрэсидьиэнин конституционнай боломуочуйатын иһинэн эрэ үлэлиир кыахтаах. Госсовет сокуоҥҥа этии киллэрэр бырааба суох. Көннөрү уларытыы киириэн наадатын туһунан ыйан-кэрдэн биэриэн сөп.

Госсовет конституционнай сокуон бырайыагын, сокуоннар барылларын Госдумаҕа дьүүллэһиэхтэрин иннинэ ылан көрөрө көҥүллэнэр.

Бэрэссэдээтэл уонна чилиэннэр бары хамнаһа суох уопсастыбаннай төрүккэ үлэлииллэр. Омук сиригэр гражданстволаах, онно уурумньу харчылаах, баайдаах-дуоллаах дьон Госсовекка киирбэттэр.  

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ