Издательский дом Редакция Подписка
Погода в Якутске: . 15 oC
КУРС ЦБ: $ 72,86 | 88,65

Бу күннэргэ РФ Госдуматын фракцияларын  салайааччылара РФ Бэрисидьиэнэ Владимир Путины кытта  онлайн-эрэсииминэн көрүстүлэр. Тэрээһин кыттыылаахтара судаарыстыба бэлитиичэскэй боппуруостарын сэргэ сокуон өттүгэр сыһыаннаан эмиэ кэпсэттилэр.

Бу күннэргэ РФ Госдуматын фракцияларын  салайааччылара РФ Бэрисидьиэнэ Владимир Путины кытта  онлайн-эрэсииминэн көрүстүлэр. Тэрээһин кыттыылаахтара судаарыстыба бэлитиичэскэй боппуруостарын сэргэ сокуон өттүгэр сыһыаннаан эмиэ кэпсэттилэр.

 «Баартыйалар дойду бэлитиичэскэй систиэмэтигэр улахан оруолу ылаллар. Ол аата бүтүн дойду бигэтик сайдарыгар, утум салҕанарыгар, дойду интэриэстэрэ көмүскэллээх буолалларыгар уһулуччу суолталаахтар, – диэн Бэрисидьиэн бэлиэтээтэ.

Госдумаҕа РЛДП фракциятын салайааччыта Владимир Жириновскай ханнык критерийдэринэн баартыйалар үлэлэрин сыаналыахха сөбүн быһаарда.

“Билигин коронавируһу кытта охсуһуу бара турар. РЛДП Госдумаҕа уонна бүтүн дойду таһымыгар санитарнай ирдэбиллэри тутуһууну киэҥник аҕытаассыйалыыр соҕотох баартыйа. Мин хоһум ааныгар номнуо 20 сыл устата: “Илии тутуһуута, куустаһыыта, уураһыыта, бэлэҕэ-туһаҕа суох киириҥ” диэн сурук ыйанан турар. Ханнык атын чунуобунньук өссө итинник суруктаах хостооҕуй? Онон, бүгүн “мааска наадата суох, бэрчээккэ, быһыы наадата суохтар” диир нэҥэй дьоҥҥо микрофону биэрбэттэригэр сорудахтаатым. Бэйэлэрин дьиэлэрин куухуналарыгар оннук кэпсэтиилэри ыыттыннар”, – диэн бэлиитик эттэ. – Аны туран, дойду кылаабынай санитарнай бырааһа сибигинэйэн саҥарар. Кыра оҕолорго сэрэнэн сүбэлиирин курдук ботугуруур. Манна күүстээх куолас наада. Левитан курдук куоластаах киһи наада. Оччоҕо эрэ дьон өйдүөҕэ, куттаныаҕа, уопсастыбаннай сирдэргэ мааска кэтэ үөрэниэҕэ, – диэн төлөннөөхтүк санаатын үллэһиннэ.

Владимир Жириновскай санаатынан, дьон-сэргэ ыстырааптанартан куттаммат буолбут. Онон атын миэрэлэринэн дьону мааска, бэрчээккэ кэтэргэ, социальнай ырааҕы тутуһарга уонна быһыы ыларга көҕүлүөххэ сөп диэн этэр.

“Ыстырааптыыбыт. Ол гынан баран, куойкалары сабаары гыннахпытына, өссө элбэх ыарыһах тахсан кэлэ турар. Оччоҕо ыстырааптааһын туохха көмөлөһөрүй? Дьон син биир ыалдьа турар! ЦУМу ыстырааптаатыбыт, “Детский мир” ыстырааптаатыбыт. Оттон түмүгэ тугуй?” – диэн парламентарий ыйытар.

Владимир Жириновскай РЛДП дьон доруобуйатын туһугар кыһаллар соҕотох баартыйа буоларын этэр.

“Атын фракциялар салайааччыларыттан ыйытыҥ эрэ. Ким коронавируһу утары быһыыны ылла? Суох, ким да ыла илик. Соҕотох мин эрэ ыллым уонна барыларыгар быһыы куттала суоҕун көрдөрдүм”, – диэн Владимир Вольфович иһитиннэрдэ.

 

 

 

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ