Кини Тыараһа нэһилиэгин 10 оҕолоох Игнатьевтарыгар “Газель” массыына күлүүһүн туттарда. Бу маннык көмө СӨ Бырабыыталыстыбатын 2012 сыл 461-с нүөмэрдээх Уурааҕынан 10-тан элбэх оҕолоох ыалларга социальнай хантараакка олоҕуран бэриллэр.
Чөркөөххө сылдьан, саҥа тутуллуохтаах элбэх хайысхалаах култуурунай-сынньанар киин дьэндэйиэхтээх сирин көрдө, үлэ хаамыытын билистэ. “Бу тутуу 2022 сылга үлэҕэ киириэ”, -- диэн эрэннэрдэ.
История уонна этнография Чөркөөхтөөҕү түмэлигэр политсыылынайдар В.Ф. Трощанскай, Э.К. Пекарскай олорбут балаҕаннарын саҥардан оҥоруу кэнниттэн аһыллар үөрүүлээх тэрээһиҥҥэ кыттыыны ылла. Бу эбийиэктэри “Меридиан” ХЭТ (сал. Д.В. Могдоев), “Охотный двор” ХЭТ (сал. Ю.Н. Большаков), “Тааттавтодор” АУо (ген. дир. И.И. Бочонин) өрөмүөннээтилэр. А.В. Тарасенко Д.К.Сивцев-Суорун Омоллоон тэрийбит мусуойун суолтата дириҥин бэлиэтээтэ, инникитин сайдыыны, ситиһиини баҕарда.
Ытык Күөлгэ хаарбах дьиэттэн көһөрүү бырагырааматынан тутуллубут 4 этээстээх таас дьиэ күлүүһүн туттарыыга сылдьан, олохтоохтор өрөгөйдөрүн үрдэттэ.
Бэрэссэдээтэл Тааттаҕа сырыытыгар быһаарар, истэр-көрөр соруга үгүс, ол быыһыгар үөрүүлээх тэрээһиннэргэ кыттыбытын сырдаттыбыт.
- 0
- 0
- 0
- 0
- 0
- 0