Издательский дом Редакция Подписка
Погода в Якутске: . 32 oC
КУРС ЦБ: $ 72,86 | 88,65

«Ил Түмэн» хаһыакка «Норуот хамсааһына: бастыҥнары батыс» рубрикабын Сунтаар сэлиэнньэтигэр «Туску» түөлбэ инбэлиит ийэлээх кыаммат ыалыгар олорор дьиэ тутан, ис малын-салын барытын булан биэрбиттэрин, малааһынын кытта тэрийбиттэрин туһунан суруйууттан саҕалаабытым.

«Ил Түмэн» хаһыакка «Норуот хамсааһына: бастыҥнары батыс» рубрикабын Сунтаар сэлиэнньэтигэр «Туску» түөлбэ инбэлиит ийэлээх кыаммат ыалыгар олорор дьиэ тутан, ис малын-салын барытын булан биэрбиттэрин, малааһынын кытта тэрийбиттэрин туһунан суруйууттан саҕалаабытым.

Сахабыт сирин амарах санаалаахтара

Үтүө түгэн батыһыннарыылаах буолар диэччилэр. Сахабыт сиригэр маннык амарах санааланыы хамсааһыннара үксээн эрэллэрэ үөрдэр.

Түмсүүлээх дьонноох-сэргэлээх нэһилиэк

Ырыынак сыһыаннаһыыларыгар киирии түһүүлээх-тахсыылаах кэмнэригэр өрөспүүбүлүкэбитигэр меценатство ордук сайдыбыта. Төрөөбүт-үөскээбит дойдуларыгар бэриниилээх дьоммут, биир дойдулаахтарбыт нэһилиэктэригэр, улуустарыгар, өрөспүүбүлүкэлэригэр туох кыалларынан күүс-көмө буолбуттара. Ыктарыылаах кэми төлө көтөрбүтүгэр кинилэр улаханнык өйөбүл буолбуттара саарбаҕа суох.

Оттон үп-харчы өлгөм кэмигэр ити көстүү умнулла быһыытыйбыта. Кистэл буолбатах, бэйэҕэ бүгэн олоруу, бэйэ иннин эрэ көрүнүү, гражданскай актыыбынас намтаабыт кэмигэр олорбуппутун ким да мэлдьэспэт буолуохтаах.

Ийэ төһө даҕаны ыарахаттары көрүстэр, соҕотоҕун оҕолорун иитиэн, улаатыннарыан сөп. Оттон соҕотох аҕаларга ити икки-үс бүк ыарахан, уустук дии саныыбын. Оҕолорун бэйэлэрэ көрөн улаатыннарбыт, атахтарыгар туруорбут амарах аҕалартан сөҕөбүн-махтайабын эрэ.

Ол эрээри кэлин дьон-сэргэ уһуктубута, уопсастыбаннай олоххо көҕө, актыыбынаһа улаатан эрэрэ көстөр. Манна көрдөрөр-иһитиннэрэр сириэстибэлэр оруолларын тумнар табыллыбат.

WhatsApp Image 2020 05 26 at 19.18.26 копия

Амма улууһун Болугуругар балтараа тыһыынча киһи олорор, кырата суох бөһүөлэк. Нэһилиэги эдэр, эрчимнээх Степан Кузьмин салайар. Бу нэһилиэк дьоно-сэргэтэ улууска эрэ буолбакка, өрөспүүбүлүкэҕэ олоххо-дьаһахха актыыбынайынан, түмсүүлээҕинэн биллэр.

Биһиги хаһыаппытыгар нэһилиэк Сэбиэ­тин дьокутааттара 100% суруттаран, коллегаларыгар бачыым көтөҕөн турардаахтар.

Ыра санаа чыпчаала

Ийэ төһө даҕаны ыарахаттары көрүстэр, соҕотоҕун оҕолорун иитиэн, улаатыннарыан сөп. Оттон соҕотох аҕаларга ити икки-үс бүк ыарахан, уустук дии саныыбын. Оҕолорун бэйэлэрэ көрөн улаатыннарбыт, атахтарыгар туруорбут амарах аҕалартан сөҕөбүн-махтайабын эрэ.

Болугур нэһилиэгэр түөрт оҕону көрө-истэ, иитэ-үөрэтэ олорор аҕанан Артур Таппыров буолар. Кини «Болугур» ТХПК-ҕа ыанньыксытынан үлэлиир. Дьиэ кэргэн олус эргэ дьиэҕэ олорор. Артур Патриотович хайдах даҕаны гынан саҥа дьиэ туттар кыаҕа суоҕун өйдүүрэ. Киниэхэ ити ыра санаатын чыпчаалынан буолара. 

WhatsApp Image 2020 05 26 at 19.18.25 копия

Нэһилиэк дьаһалтатын баһылыга Степан Кузьмин соҕотох аҕаны өйдөөн-өйөөн араас бырагыраамаларга анньа сатаабыта да, табыллыбатаҕа.

— Инньэ гынан «Спецназ добра Якутии», «Элма» хааччахтаммыт эппиэтинэстээх тэрилтэ уонна нэһилиэк дьаһалтата буоламмыт соҕотох аҕа Артур Таппыровка дьиэ тутан биэрэргэ сүбэлэспиппит.

Дьиэ тутуутугар нэһилиэккэ баар бары тэрилтэлэр, үгүс киһи күүс-көмө буолла. 9,5х10 м дьиэни тутан бүтэрдибит. Икки нэдиэлэ эрэ иһигэр көҥдөйүн туппуппут. Ол кэнниттэн кырыыһатын оҥорон бүтэрбиппит. Ис үлэтэ хаалла. Бу күһүҥҥэ диэри бүтэриэхтээхпит, — диэн кэпсиир Степан Николаевич.

Истэ-истэ үөрэҕин эрэ

Маннык үтүө сонуннары истэ-истэ үөрэҕин, санааҥ көтөҕүллэр. Оттон соҕотох аҕа Артур Таппыров уонна оҕолор төһөлөөх сүргэлэрэ көтөҕүллүбүтэ буолуой? «Саҥа дьиэлэннэхпитинэ» диэн этиини бэйэлэрин икки ардыларыгар кэпсэтиилэригэр элбэхтик туттар буолбуттара саарбаҕа суох.

Быйыл дьиэлэрин тутуута түмүктэнэн, болугурдар түмсэн, малааһын тэрийэллэрэ саарбахтаныллыбат.

«Айыы киһитэ аһыныгас, күн киһитэ көмүскэс» диэн өбүгэлэрбит мээнэҕэ эппэтэхтэрэ, ити болугурдар оҥорбут үтүө дьыалаларыттан ырылыччы көстөн кэлэр. Норуот ылыннаҕына уонна туруннаҕына тугу да тулуппатын бу түгэнтэн көрөбүт.


Меценат

Биллэрин курдук, ыам ыйын 26 күнүгэр Бүтүн Арассыыйатааҕы предпринимательство күнүн бэлиэтээтибит. Бу күн өрөспүүбүлүкэ Ил Дархана Айсен Николаев коронавирус ааҥнаабыт кэмигэр дьонноругар-сэргэлэригэр күүс-көмө, өйөбүл буолбут урбаанньыттарга наҕараадалары туттартаата. Кинилэр истэригэр биллэр-көстөр дьоммут Арсен Томскай, бырааттыы Алексей уонна Афанасий Ушницкайдар бааллар.

WhatsApp Image 2020 05 26 at 19.46.11 копия

Бу үтүө санаалаах дьоммут туһунан урукку өттүгэр суруйан турабын. Онон бүгүн «Амарах сүрэх» Бочуоттаах бэлиэнэн наҕараадаламмыт Хаҥалас улууһун Нөмүгү нэһилиэгиттэн төрүттээх урбаанньыт, меценат Вячеслав Нестеров туһунан ахтан ааһыам. Бу уустук кэмҥэ Вячеслав Нестеров биир дойдулаахтара үтүө-мааны ыччаттарын өйөбүлүн, көмөтүн билиэхтэрин биллилэр. Үүммүт 2020 сылга кини Өктөмнөөҕү амбулаторияҕа массыына бэлэх ууммута. Пандемия кэмигэр Нөмүгүтээҕи килиэп собуота тустаах улуус медицинскэй үлэһиттэрин килиэбинэн, кондитерскай оҥоһуктарынан хааччыйарын бэлиэтиибин. Вячеслав Анатольевич төрөөбүт-үөскээбит Сахатын сиригэр үтүө дьыаланы оҥорбута олус элбэх. 2013 сылтан кини Хаҥаластааҕы киин балыыһа меценатынан буолар. Вячеслав Анатольевич Нөмүгүтээҕи амбулаторияҕа оргтехника ылан биэрбитэ. Маны таһынан бу медицинскэй тэрилтэни хас сылын ахсын 1 тонна уматыгынан хааччыйар.

* * *

Маннык амарах сүрэхтээх ыччаппыт үксүү турдар диэн ыраас ыранан суруйуубун түмүктүүбүн.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ