Издательский дом Редакция Подписка
Погода в Якутске: . 15 oC
КУРС ЦБ: $ 72,86 | 88,65

Бүлүү куоратыгар кулун тутар 10 күнүгэр М.Н. Жирков аатынан икки мэндиэмэннээх култуура дыбарыаһын саҥа дьиэтин үөрүүлээхтик астылар. Култуура киинэ «АЛРОСА» АХ улууска ыытар дибидиэнин үбүнэн тутуллубут.

Бүлүү куоратыгар кулун тутар 10 күнүгэр М.Н. Жирков аатынан икки мэндиэмэннээх култуура дыбарыаһын саҥа дьиэтин үөрүүлээхтик астылар. Култуура киинэ «АЛРОСА» АХ улууска ыытар дибидиэнин үбүнэн тутуллубут.

Култуура дыбарыаһа Саха сирин бастакы идэтийбит композитора Марк Николаевич Жирков аатын сүгэр. Киин кэлэктиибэ «АЛРОСА» хампаанньаҕа улахан махталларын биллэрбиттэр.  «Нэһилиэнньэни кытта саҥа үлэ хайысхатын киллэриэхпит, биһиги айар бөлөхтөрбүтүгэр дьарыктанар оҕолор уонна улахан дьон ахсаана элбиэҕэ. Саҥа, сырдык, киэҥ-куоҥ дьиэҕэ үлэлиир, айар-тутар баҕа улаатар», -- диэн кинилэр санааларын эппиттэр.  

Култуура дыбарыаһын бастакы мэндиэмэнигэр икки холл, бибилэтиэкэ, көстүүмнэри харайар хостор, буфет уонна 250 миэстэлээх саала баар. Иккис мэндиэмэҥҥэ үҥкүү уонна тыйаатыр саалалара, исписэлиистэр кэбиниэттэрэ бааллар.

Бу күн Бүлүү улууһун Тааһаҕар сэлиэнньэтигэр Н.Н.Каратаев аатынан орто оскуола саҥа дьиэтэ үлэҕэ киирбит. 100 миэстэлээх оскуоланы 2016 сылтан тутан саҕалаабыттар. Оскуола эмиэ «АЛРОСА» АХ дибидиэнин үбүнэн тутуллубут. Учууталлары уонна үөрэнээччилэри бу үөрүүлээх түгэнинэн бырабыыталыстыба вице-премьера Сергей Местников эҕэрдэлээбит.

Оскуола саҥа дьиэтигэр оҕо сайдарыгар бары усулуобуйа оҥоһуллубут. Билигин 84 оҕо оскуолаҕа үөрэнэр.

dd28d4c9fdac32bab133a5fdfbb44a11a70854e9

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ