СӨ Бырабыыталыстыбатын Бэрэссэдээтэлин бастакы солбуйааччы Дмитрий Бердников тутуу үлэлэрэ Өлүөнэ өрүс хаҥас уонна уҥа биэрэктэригэр саҕаланан эрэллэрин отчуоттаата.
Үлэ бастакы түһүмэҕэр тутуу былаһааккалара, киирэр-тахсар суоллар, хаҥас биэрэккэ баржалар тиксэр сирдэрэ, быстах кэмнээх муосталар оҥоһуллуохтара, гаас уонна уот ситимнэрин көһөрүөхтэрэ. Билигин бу үлэлэри саҕалыырга “күөх уоту” биэрдилэр.
Маны таһынан, быйылгы сылга тутуу матырыйаалларын харайар ыскылааттар, тутааччылар бөһүөлэктэрэ тутуллуохтара. Онно быстах кэмнээх суоллары уонна инженернай ситимнэри тардыахтара. Инники былааҥҥа муостаны тутар пилоннары оҥоруу былаһаакката тэриллиэхтээх.
СӨ Ил Дарханын уонна Бырабыыталыстыбатын саайтыгар этиллэринэн, Өлүөнэ муостата үс пилоннаах вантовай систиэмэлээх муоста буолуохтаах. Бу муоста уһуна 14,9 км. тэҥнэһэр. Тутуу бастакы түһүмэҕэр олохтоох хампаанньалартан 500 кэриҥэ киһи үлэлиэҕэ.
- 0
- 0
- 0
- 0
- 0
- 0