Издательский дом Редакция Подписка
Погода в Якутске: . -24 oC
КУРС ЦБ: $ 71,53 | 82,83

«Демография» национальнай бырайыагынан Бүлүү улууһун Сосновка сэлиэнньэтигэр саҥа тииптээх кырдьаҕастар интэринээт-дьиэлэрэ үлэлээтэ. Бу маннык социальнай дьиэ Арассыыйаҕа аан бастаан үлэҕэ киирбитин СӨ бырабыыталыстыбатын уонна баһылыгын пресс-сулууспата иһитиннэрэр.

«Демография» национальнай бырайыагынан Бүлүү улууһун Сосновка сэлиэнньэтигэр саҥа тииптээх кырдьаҕастар интэринээт-дьиэлэрэ үлэлээтэ. Бу маннык социальнай дьиэ Арассыыйаҕа аан бастаан үлэҕэ киирбитин СӨ бырабыыталыстыбатын уонна баһылыгын пресс-сулууспата иһитиннэрэр.

«Маннык социальнай бырайыагы Арассыыйаҕа биир бастакынан биһиги өрөспүүбүлүкэбитигэр киллэрдибит. Бу эбийиэк дойдуга аныгылыы тииптээх интэринээт-дьиэлэр тутуллалларыгар олук буолар. Тутуу 2019 сылга саҕаламмыта уонна болдьоҕун иннинэ үлэҕэ киирдэ. Кырдьаҕас уонна кыаммат нэһилиэнньэҕэ социальнай көмө оҥоруу өссө үрдүк таһымҥа таҕыста диэн эрэллээхтик этиэхпитин сөп», -- диэн СӨ бырабыыталыстыбатын солбуйааччыта Ольга Балабкина социальнай эбийиэги арыйыы үөрүүлээх түгэнигэр этэн туран интэринээт кэлэктиибигэр 300 тыһ. солк. суумалаах сэртипикээт туттарбыт.

Интэринээт-дьиэни үөрүүлээхтик арыйыыга Ил Түмэн дьокутааттара Нюргуяна Захарова уонна Александр Гоголев кытыннылар. Интэринээт-дьиэҕэ өр сылларга үтүө суобастаахтык үлэлээбит тоҕус үлэһиккэ  Ил Түмэн доруобуйа харыстабылыгар, социальнай көмүскэлгэ, үлэҕэ уонна дьарыктаах буолууга сис кэмитиэтин бэрэссэдээтэлэ Владимир Чичигинаров илии баттааһыннаах грамоталары туттардылар. Наҕараадаламмыт дьон социальнай боппуруостарынан дьарыктанар уонна баар кыһалҕаларга болҕомтотун ууран үлэлэһэр норуот дьокутаата Мария Христофороваҕа махталларын биллэрдилэр.

Кэт Марсден аатын сүгэр интэринээт-дьиэ 4785 кв.м. иэннээх, үс мэндиэмэннээх. Манна кырдьаҕас уонна кыаммат дьон нус-хас доруобуйатын көрүнэн олороругар бары усулуобуйа оҥоһуллубут.  Бастакы мэндиэмэҥҥэ үлэнэн аралдьытарга анаммыт мастарыскыайдар бааллар – иистэнэр сыах, уһанар, өрөмүөннүүр мастарыскыайдар. Сынньалаҥнарын бибилэтиэкэҕэ, компьютернай кылааска атаарыахтарын сөп. Иккис мэндиэмэҥҥэ 100 миэстэлээх саала баар.

Маны таһынан чэбдигирдэр физкультура саалата, тиис эмтиир кабинет, психологы кытта сэһэргэһэр хос, парикмахерскай, уруһуйдуур уонна итэҕэл хосторо бааллар.

c7ffc304 ab7b 4a64 9ad8 a8e5f726ed2d

инт2

инт3

инт4

инт5

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ