Тутуу боппуруоһа үстэриттэн сэттэлэригэр диэри саастаах оҕолор тэрилтэлэригэр уочараты суох оҥорорго, бэрэссидьиэн бырагырааматын чэрчитинэн быһаарыллынна.

 “Северянка” уһуйааҥҥа оҕо ахсаана, санитарнай нуормаҕа эппиэттиир буолан, филиал быһыытынан тутуллунна.

Аллараа Халыма баһылыга Валерий Сентяков тутууга кыттыыны ылбыт дьоҥҥо, оттон“Северянка” уһуйаан сэбиэдиссэйэ Галина Габайдуллина “Кинг-95” тутааччыларыгар махтаннылар. СӨ Бырабыытылыстыбата уонна үөрэх министиэристибэтэ "бу филиал “Северянка” курдук бастыҥ уһуйаан буолуо", - диэн эрэннэрдилэр. "Биһиги күүспүтүн, сылаас сыһыаммытын барытын оҕолорго аныахпыт. Үөрэх өттүгэр кыһамньылаах, үтүө дьону иитэн таһаарарга үлэлэһэбит."

 Бу туһунан СӨ бырабыытылыстыбатын уонна баһылыгын дьаһалтатын пресс-сулууспата иһитиннэрэр.