-- Бу сокуон инбэлиит оҕону, I группалаах инбэлииттэри көрөр, ханна да үлэлээбэт дьоҥҥо ый аайы 10 тыһыынча көмө харчыны төлүүрү мэктиэлиир. Үчүгэйэ диэн, сыл аайы ити суума индексацияланан иһиэ, — диир Ярослав Нилов.
Билэрбит курдук, 2008 с. от ыйын 1 күнүттэн инбэлиити эбэтэр кыаммат кырдьаҕас киһини көрөр үлэтэ суох дьон 1200 солкуобайы ылаллар. Ити быһыллыбыт кээмэйдэрэ аны индексацияламмат. Парламентарий этэринэн, инбэлиити көрүү элбэх сыраны, бириэмэни, харчыны ылар. Онон компенсация харчыта улаатан иһэрэ оруннаах.
2019 с. от ыйын 1 күнүттэн инбэлиит оҕону уонна төрүөхтэриттэн инбэлииттэри көрөр дьоҥҥо 10 тыһыынчалыыны биэрэр буолбуттара.
-- Итинник араастаһыы суох буолуохтаах. Бары 10-нуу тыһыынчаны ылыахтаахтар. Бу биһиги туруорсар босуобуйабыт харчыта федеральнай бүддьүөттэн үбүлэниэхтээх. 2021 сылтан бэриллэн саҕалыахтаах, -- диир дьокутаат Нилов.
- 0
- 0
- 0
- 0
- 0
- 0