Саха Өрөспүүбүлүкэтин Тутууну уонна дьиэни-уоту хонтуруоллуур судаарыстыбаннай управлениетын салайааччытын бастакы солбуйааччы Влад Михайлович Пермяков хоруйдуур:
--РФ Бырабыыталыстыбатын 2020 сыл муус устар 4 күнүнээҕи 424-с №-дээх Уурааҕынан, дойдуга эпидемиологическай балаһыанньа тыҥаабытынан, дьиэ-уот төлөбүрүн быраабылатын тутуһууну 2021 сыл тохсунньу 1 күнүгэр диэри тохтоппута. Ол эбэтэр бу мораторий кэмигэр коммунальнай өҥөнү оҥорор тэрилтэ эйиэхэ пеня ааҕар, ыстараап суруйар бырааба суох. Гааскын, уоккун, уугун араарыа, канализацияҕын бүөлүө, счетчиктаргын уларытарга күһэйиэ суохтаах.
Ол гынан баран, төлүүртэн олох босхолоннубут дии санаамаҥ. Дьиэ-уот кодексын 153 ыстатыйатыгар олоҕуран, өҥө иһин ыйдааҕы төлөбүргүтүн син биир төлүүгүт. Төлөөбөтөххүтүнэ, УК-ҕыт суукка биэриэн сөп. Онон ханнык да балаһыанньаҕа эбээһинэскититтэн мүччүрүйбэккит. Сааскы Уураах пеня, ыстараап эрэ ааҕылларын бобор.
Ол иһин наһаа мунньан кэбиспэккэ, төһө кыалларынан төлөөн иһиҥ. Төрүт кыаллыбат буоллаҕына, УК-ҕытыгар сайабылыанньа суруйан, төлүүр болдьоххутун уһаттарыҥ (рассрочка), иэскитин сабар кыраапыкта оҥорторуҥ.
- 0
- 0
- 0
- 0
- 0
- 0