Бу үбүнэн култуура, үөрэх, доруобуйа харыстабылын, успуорт саҥа эбийиэктэрин тутуохтара. Ону таһынан бу үптэн 150 мөл. солк. Бүлүү бөлөх улуустарын уонна Эдьигээн сэлиэнньэтин ыраас уунан хааччыы үлэтигэр аныахтара. Ханнык эбийиэктэр тутуллалларын туһунан быһаарыыларыгар Уус Алдан киинигэр В.В.Күлүмнүүр аатынан култуура киинин, Нам сэлиэнньэтигэр Духуобунай сайдыы уонна култуура дыбарыаһын ыйбыттар. «Үүнэр көлүөнэ пуондатын кытары үлэбит АЛРОСА биир саамай улахан үтүөнү оҥорууга туһуламмыт үлэтинэн буолар. Кэлиҥҥи биэс сыл иһигэр хампаанньа биэрбит үбүнэн 13 социальнай эбийиэктэр тутулуннулар уонна 150 бөдөҥ бырайыактар олоххо киирдилэр», -- диэн «АЛРОСА» хампаанньа генеральнай дириэктэрин солбуйааччы Алексей Дьячковскай эппит.Үүнэр көлүөнэ пуондатын дириэктэрэ Владимир Егоров иһитиннэрбитинэн, 2025 сылга диэри былааннаммыт саҥа концепцияны олоххо киллэрэн эрэр. Бу докумуоҥҥа Ил Дархан Айсен Николаев сөбүлэһиитин биэрбит уонна Үүнэр көлүөнэ үрдүкү сэбиэтинэн бигэргэммит.
- 0
- 0
- 0
- 0
- 0
- 0