Олохтоохтор үөрүүлэрин СӨ Бырабыыталыстыбатын Бэрэссэдээтэлэ Андрей Тарасенко уонна СӨ Бырабыыталыстыбатын бэрэссэдээтэлин солбуйааччы Михаил Никифоров үллэһиннилэр.
«Тугутчаан» оҕо саада «Тыа сирин комплекснай сайдыыта» федеральнай бырагырааманан 126 мөл. солк. тутуллубут. Федеральнай бүддьүөттэн 116 мөл. солк. көрбүттэр. Уһуйаан аныгы кэм ирдэбилигэр эппиэттиир усулуобуйалаах. Биир мэндиэмэннээх дьиэ 896,18 кв. миэтэрэ иэннээх, кырачааннар сылдьар бөлөхтөрүгэр оонньуур уонна утуйар хостор бааллар. Мэдиссиинэ кэбиниэтэ үлэлиир.
Оҕо саадын тиэргэнигэр оҕолор оонньуур былаһааккалара баар, бу сайын мас олордуохтара уонна оҕолор дуоһуйа күөлэһийэр хонууларын оҥоруохтара.
- 0
- 0
- 0
- 0
- 0
- 0