Издательский дом Редакция Подписка
Погода в Якутске: . 19 oC
КУРС ЦБ: $ 74,30 | 88,17

Хампа күөх сайын хаарыан күөҕэ көҕүрээн, самаан сайын саймаархай, сайаҕас күннэрэ аҕыйаан, күммүт улам кылгаан, көмүс күһүн өҥү-дьүһүнү уларытта, салгыны сөрүүккэттэ. Тула өттүбүт барыта хомунар-симэнэр, кыһыҥҥыга бэлэмнэнэр, көтөр кынаттаах соҕуруу дойду сылааһыгар сыламнаары ыраах айаҥҥа турунан, үксээбит үөрүн түмэн, кыралары көтөргө үөрэтэр, күүстээҕин иннигэр уктар, сэниэлээҕин кэннигэр хаалларар, ортотугар оҕо дьонун, атах-тутах соҕуһун уктар.

Дьэ итинник кэмҥэ «Баҕарах» ХЭУо бээтинсэ аайы буолар үлэһиттэр мунньахтарыгар бара сырыттыбыт.

Хампа күөх сайын хаарыан күөҕэ көҕүрээн, самаан сайын саймаархай, сайаҕас күннэрэ аҕыйаан, күммүт улам кылгаан, көмүс күһүн өҥү-дьүһүнү уларытта, салгыны сөрүүккэттэ. Тула өттүбүт барыта хомунар-симэнэр, кыһыҥҥыга бэлэмнэнэр, көтөр кынаттаах соҕуруу дойду сылааһыгар сыламнаары ыраах айаҥҥа турунан, үксээбит үөрүн түмэн, кыралары көтөргө үөрэтэр, күүстээҕин иннигэр уктар, сэниэлээҕин кэннигэр хаалларар, ортотугар оҕо дьонун, атах-тутах соҕуһун уктар.

Дьэ итинник кэмҥэ «Баҕарах» ХЭУо бээтинсэ аайы буолар үлэһиттэр мунньахтарыгар бара сырыттыбыт.

Кэллэктиип бары кэриэтэ бааллар. Мунньаҕы дириэктэр Сивцев Иван Константинович арыйда. Биригэдьиир биэрбит нэдиэлэтээҕи отчуотун чэрчитинэн көрдөххө, ким былаанын толорбута, толорботоҕо, эбии аһылык кэлбитэ, кэлбэтэҕэ, ыамҥа ынах төһө кэлбитэ, үлэһит илии баара-суоҕа ырылыччы көстөр. Нэдиэлэҕэ былаан туолуутунан бириэмийэ харчы көрүллэр эбит. Ким төһө эбии төлөбүрү ылара сонно тута этилиннэ. Былаан туолбут буоллаҕына, эрдэ этиллибитинэн, бигэргэтиллибитинэн, кэллэктиип барыта (дайаарка эрэ буолбакка) ылар эбит. Түмүк нэдиэлэ аайы тахсар буолан, үлэ түмүгэ ырылыччы көстөр. Туох да мөккүөрү, өйдөспөт буолууну үөскэппэт эбит. Туолбут, туолбатах кирбиилэр төрүөттэрин сонно тута ырытан, биричиинэтин быһаарар кэпсэтиилэр бараллар эбит.

Дьэ астык мунньах! Хас биирдии үлэһит бэйэтин эрэ туһун буолбакка, кэллэктиип туһугар ыалдьарын көрөр үчүгэй бөҕө. Бу сырыыга боппуруостар эбии аһылык хаачыстыбатыгар, молоковоз графигар, электричествонан хааччыйыыга, чуолаан прожектор тула бардылар. Үлэһиттэр бары сэргэхтэр, үлэ көрдөрүүтүн түһүүтүн-тахсыытын биричиинэтин бэркэ диэн быһаарсаллар. Бэриллибит боппуруостар сөптөөхтөр, үлэ түмүгэр чопчу сыһыаннаахтар. Олорор усулуобуйаларын хаачыстыбата көрүллэр буолан, дьиэбит сылаас диэн үөрэллэр. Эбии харчы кимнээххэ төһөтүн аһаҕастык тоҕо, төһө диэн ыйытыы үөскээбэтин курдук эрдэттэн быһаарсыы үлэтэ барбыта дьэҥкэтик көстөр. Хас биирдиилэригэр баар буоларыгар кыһаллаллар эбит, ханнык эрэ үлэһит ааттамматаҕын чуолкайдыыллара бэйэ бэйэлэригэр биир ыал оҕотун курдук түмсүүлээхтэрин көрдөрөр.

Н.И. Руфова, Хатас олохтооҕо

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ