Саха Өрөспүүбүлүкэтин Судаарыстыбаннаһын күнүн көрсө, балаҕан ыйын 26 күнүгэр Таатта улууһун Баайаҕатыгар Моҕол ураһа үөрүүлээх аһыллыыта буолуоҕа.
Билигин ситэрэр-бүтэрэр үлэ сарсыарда эрдэттэн киэһэ хойукка диэри күүстээхтик бара турар. Ураһа иһэ олус сиэдэрэй ойуулаах-мандардаах буолуохтаах, ону көрөөрү, бары да долгуйа кэтэһэбит.
Хоруона хамсыгынан үөрүүлээх тэрээһиҥҥэ дьон-сэргэни улаханнык муспаттар. Кэлин дьаҥ аастаҕына, үгүс киһи тиийэн көрүө, алгыс ылыа. Бу тутуу омукпут матырыйаалынай баайа буолан, үйэлэргэ норуоту түмэ туруо диэн эрэнэбит. Идиэйэтин көтөхпүт, үлэни сүрүннээбит Мандар Ууска өрөспүүбүлүкэ олохтоохторо бары махтанабыт.
- 0
- 0
- 0
- 0
- 0
- 0