— Ытыктабыллаах Айсен Сергеевич! Саха Өрөспүүбүлүкэтин Ил Түмэнин доруобуйа харыстабылыгар, социальнай көмүскэлгэ, үлэҕэ уонна дьарыктаах буолууга сис кэмитиэтин уонна тус бэйэм ааппыттан 50 сааскын туолар үбүлүөйдээх күҥҥүнэн итиитик-истиҥник эҕэрдэлиибин!
Биһиги 1997 сылтан, эн быыбары эрэллээхтик кыайан, Өлөөн уокуругуттан Ил Түмэн дьокутаата буолуоххуттан билсэбит. Онтон ыла биһиги өрөспүүбүлүкэбит араас үрдүк, эппиэттээх дуоһунастарыгар таһаарыылаахтык үлэлии сылдьаҕын.
2018 сылтан саха норуота Эйигин өрөспүүбүлүкэбит Аҕа Баһылыгынан – Ил Дарханынан – талбыта. Төһө да кытаанах кэм – дьаҥ-дьаһах өрө туруута, ойуур баһаардара – буолбуттарын да иһин, эн иннинээҕи салайааччыларбыт ыйбыт хайысхаларын салҕаан, бэйэҥ мындыр толкуйгунан өрөспүүбүлүкэбитин сатабыллаахтык салайа сылдьаҕын. Бүгүн Саха Өрөспүүбүлүкэтэ Арассыыйа Федерациятын биир тэтимнээхтик сайдар субъектарыттан биирдэстэрэ буолар. Социальнай бэлиитикэҕэ, доруобуйа харыстабылыгар элбэх үлэ ыытылынна, ыытыллар даҕаны.
Кытаанах доруобуйаны, дьиэ кэргэҥҥэр дьолу-соргуну, күүһү-уоҕу, норуоппут олоҕун уйгутун үрдэтиигэ уонна төрөөбүт өрөспүүбүлүкэбит чэчирии сайдарыгар ситиһиилэри баҕарабын!
-
0
-
0
-
0
-
0
-
0
-
0
