Өрөспүүбүлүкэ 288 мөл. солк. суумаҕа 112 сертификаты ылыаҕа. Ол онтон үгүс өттө Үөһээ Дьааҥҥы оройуонугар Лазо диэн 1997 сыллаахха сабыллыбыт бөһүөлэк олохтоохторугар ананар. Лазо көмүс хостооһун үлэтэ барар кэмигэр олохтоммут бөһүөлэгинэн буолар. Бөһүөлэккэ орто оскуола, култуура киинэ, эмп тэрилтэтэ, маҕаһыын баара. Көмүс хостооһун тохтообутун кэннэ бөһүөлэк умнууга барбыт, онтон сабыллыбыт. Оччолорго 100-кэ дьиэ кэргэн регистрациялалыыр учуокка турбатах буолан, лицензияны ылар бырааптарынан туһамматахтар. Ол курдук, 2010 сыллаахха Үөһээ Дьааҥҥы оройуоннааҕы суутун уурааҕынан 95 дьиэ кэргэни сертификат ылар дьиэ кэргэннэр испииһэктэригэр киллэрбиттэр. Билигин кинилэр бу бырааптарынан туһанар буоллулар. Ол дьонтон билиҥҥитэ Саха сиригэр 30 дьиэ кэргэн баар, атыттара көспүттэр.
2005-2011 сс. Саха сиригэр сабыллыбыт 12 бөһүөлэк олохтоохторугар уопсайа 1282 дьиэ сертификата бэриллибит.
-
0
-
0
-
0
-
0
-
0
-
0
