Маны сэргэ Саха Өрөспүүбүлүкэтин Төрүт сокуонугар Арассыыйа Федерациятын иһигэр аһаҕас былаас биир систиэмэлээҕин туһунан балаһыанньаны киллэрэргэ этии киирдэ. Аһаҕас былаас иһигэр олохтоох бэйэни салайыныы уорганнара уонна судаарыстыбаннай былаас уорганнара киирэллэр.
“Саха Өрөспүүбүлүкэтин Төрүт сокуонугар уларытыылары уонна эбиилэри киллэрии туһунан” Саха Өрөспүүбүлүкэтин конституционнай сокуонун барыла 2020 сыл кулун тутар 14 күнүгэр ылылыллыбыт “Аһаҕас былаас тэриллиитин кэккэ боппуруостарын уонна үлэтин хонтуруолун тупсаран биэрии туһунан” РФ Төрүт сокуонугар киирбит 1-ФКЗ №-дээх көннөрүүгэ олоҕуран оҥоһулунна.
Саха Өрөспүүбүлүкэтин Төрүт сокуонугар киирэр уларытыылар гражданнар социальнай бырааптарын мэктиэлэригэр, дьиэ кэргэн уонна оҕо саас боппуруостарыгар, үөрэххэ уонна доруобуйа харыстабылыгар туһаайыллаллар. Ону таһынан, сокуонунан көрүллэр боломуочуйалары көдьүүстээхтик толорорго, Саха Өрөспүүбүлүкэтин Төрүт сокуонугар РФ иһигэр аһаҕас былаас биир систиэмэлээҕин туһунан балаһыанньаны бигэргэтэллэр. Аһаҕас былаас иһигэр олохтоох бэйэни салайыныы уорганнара уонна судаарыстыбаннай былаас уорганнара киирэллэр.
“Саха Өрөспүүбүлүкэтин конституционнай сокуонун ылыллыытын бэрээдэгин туһунан” конституционнай сокуон “Саха Өрөспүүбүүлүкэтин Төрүт сокуонугар уларытыылары уонна эбиилэри киллэрии туһунан” 4-с ыстатыйатыгар этиллэринэн, Саха Өрөспүүбүлүкэтин Төрүт сокуонугар киириэхтээх уларытыылар уонна эбиилэр Ил Түмэн Судаарыстыбаннай Мунньаҕар көрүллэн бигэргэтиллиэхтэрин иннинэ иһитиннэриилэри киэҥник тарҕатар сириэстибэлэргэ булгуччу бэчээттэниэхтээхтэр уонна уопсастыбаннай дьүүллэһиилэри ааһыахтаахтар.
“Саха Өрөспүүбүлүкэтин Төрүт сокуонугар уларытыылары уонна көннөрүүлэри киллэрии туһунан” конституционнай сокуон барыла Саха Өрөспүүбүлүкэтин куораттарын уокуруктарын уонна муниципальнай оройуоннарын быыбарданар уорганнарын бэрэссэдээтэллэригэр миэстэтигэр дьүүллэһиини уонна этиилэри хомуйууну тэрийэллэригэр ыытылынна.
Уопсастыбаннай дьүүллэһиилэр түмүктэринэн Ил Түмэн Судаарыстыбаннай Мунньаҕын судаарыстыбаннай тутууга уонна сокуону оҥорууга сис кэмитиэтин кэҥэтиллибит мунньаҕар аһаҕас истиилэр буолуохтара.
Ил Түмэн Судаарыстыбаннай Мунньаҕа конституционнай сокуон барылын уопсастыбаннай дьүүллэһиитигэр ыҥырар. Сокуон барылын уонна докумуоннары кытта сыһыарыылартан билсиэххитин сөп.
Сыһыарыылар:
-
0
-
0
-
0
-
0
-
0
-
0
